Mark 4:27 - Bible Ni Thothup

²⁷ Mi i mol nneap’ ma be od ni rran, ma be tugul fapi awoch ni be ga’ i yan. Machane de nang rogon e n’en ni rin’ me yodorom.

Mark 4:27 Σταυροειδείς Αναφορές

Eklesiastes 11:5

I Got e sunumiy urngin ban’en, ri dabiyag ni nge tamilangan’uy ko pin’en nma rin’, ni bod rogon ndabiyag ni nge tamilangan’uy u rogon bbitir ni be ga’ u yin be’ ni bpin.

Eklesiastes 8:17

ma ku dabi chigur ni ngam nangfan ko mang e be rin’ Got. Demturug feni almarin ni ga ra guy rogon ni ngam nang ma ridab mu nang. Pi’in yad ba gonop e bay ra ga’argad a yad manang, machane der nanged.

Mark 4:26

Miki ga’ar Jesus, “Gagiyeg rok Got e bod be’ ni wereg e awoch u milay’ rok.

Mark 4:28

But’ e ir e ayuweg e woldug nge ga’ nge yib wom’ngin; som’on e mak’uf riy ni ka fini bugor ni kab mererey, ma bin migid e ke m’ug fare muk’uf riy ni polo’ ndawori puf, me migid me puf iman wom’ngin me m’ug wom’ngin ni pire’.

2 Thessalonika 1:3

Pi walagmad ni girdi’en Kristus, thingar ug pininged e magaer ngak Got ni gubin ngiyal’ ni bochmed! Rib mat’aw ni nggu rin’ed ni aray rogon, ya ba papey ni be ilal e michan’ romed ngak Kristus, ma rogon nib t’uf bigimed rok bigimed e be ga’ i yan.

2 Peter 3:18

Machane Somol rodad i Jesus Kristus ni ir e ke thapegdad ngak Got e ngi i ayuwegmed ngu’um mon’oggad i yan ma gimed be nang i yan; ni ir e ngu’un tayfan e chiney i yan ngam’on ndariy n’umngin nap’an! Amen.