Mark 4:24 - Bible Ni Thothup

²⁴ Miki ga’ar ngorad, “Mu uthmed telmed ko tin ni gimed be rung’ag! Ya rogon ni gimed ra turguy ban’en nga daken be’ e ku aram rogon nra turguy Got nga dakenmed, nra pag e fol riy.

Mark 4:24 Σταυροειδείς Αναφορές

Proverbs 19:27

Fakag, fa’an ga ra tal i fil ban’en, ma dariy nap’an ma ga pag e tin gamnang.

Isaiah 55:3

“Gimed e girdi’ rog, mu telmed, mi gimed yib ngog; mired ngog, me yag e yafos ngomed! Bay gu ngongliy ba m’ag u thildad ni bay i par ni dariy n’umngin nap’an, mu gu pi’ ngomed e pi tow’ath ni gu micheg ngak David.

Jeremiah 17:21

Mog ngorad ni fa’anra ba t’uf rorad e yafos rorad, ma thingar dabra feked ban’en nib tomal ko rofen ni Sabbath; ma thingar dabra feked ban’en nga langgin fapi garog nu Jerusalem

Matthew 7:2

ya Got e ra turguy e kireb nga dakenmed nrogon nim turguyed e kireb nga daken e girdi’, nge gelngin nge tomalngin nim turguyed.

Mark 9:7

Me yib i m’ug bangi manileng nge tagalul’ nagrad, me yib ba lam u fithik’ fa gi manileng ni ga’ar, “Ireray Fakag nrib t’uf rog, ere mu telmed ngak!”

Luke 8:18

“Ere mu tiyan’med ngarogon e motoyil ni gimed be tay; ya en ni bay ban’en rok e bo’or e bay ni pi’ ngak, machane en ndariy ban’en rok e bay ni fek rok e chu’uw ni be finey ni bay rok.”

John 10:16

Bay yugu boch e saf ni saf rog, machane dar moyed u fithik’ e tiney e saf. Ere thingar kug fekrad i yib; ya bay ra matealgad nga lungug, miyad peth ko tiney ngar pired nta’ab ran’ i saf ma ta’abe’ e be gafaliyrad.

John 10:27

Saf rog e yad ma rung’ag lungug, ma gum nangrad, ma yad ma lekeg.

John 5:25

Nggog e tin riyul’ ngomed: bay ba ngiyal’ ni be yib — nre ngiyal’ i n’em e ke taw — ni aram e bayi rung’ag e yam’ laman e en ni Fak Got, ma pi’in yad ra rung’ag e yad ra fos.

Acts 17:11

Ma girdi’ nu rom e de manan’rad ni bod e girdi’ nu Thessalonika nib manan’rad. Miyad motoyil ko thin rok Got ni kar uthmed telrad ngay, ma gubin e rran ni ur gayed u lan e babyor nib thothup ni ngar guyed ko rriyul’ e tin ke yog Paul fa.

2 Korinth 9:6

Dab mpaged talin e re bugithin ni ba’aray: cha’ nra yung e awoch nib lich e bochu’uw e n’en nrayag riy ngak; ma en nra yung e awoch ni pire’, e pire’ e n’en nrayag riy ngak.

Hebrews 2:1

Aram fan nthingar da chichiiyed pa’dad ko fapi thin nib riyul’ ni kad rung’aged, nge siy da man’gad riy nga orel.

1 Peter 2:2

Mpired ni gimed bod e bitir ni kafin nni gargeleg, ni gubin ngiyal’ ma be yib lamen e milik ngomed, ni milik nib machalbog ni fan nga lanin’med, ya ra um unumed mi gimed ilal ngam thapgad ngak Got.

1 John 4:1

Pi tafager rog nri gimed ba t’uf rog, dabi pagan’med ngak urngin e pi’in yad be yog ni bay fare Kan Nthothup rorad, ya ngam sikeng niged yad ngam nanged ko re kan ni bay rorad e yib rok Got fa dangay. Ya bo’or e profet ni yugu ban’en ni kar weargad nga urngin yang.