Malaki 4:4 - Bible Ni Thothup

⁴ “Mu leam niged e pin’en ni i machibnag e tapigpig rog i Moses, ni fapi motochiyel nge fonow ni gu pi’ ngak u daken e Burey ni Sinai ni fan ngak urngin e girdi’ nu Israel ni ngar folgad riy.

Malaki 4:4 Σταυροειδείς Αναφορές

Isaiah 42:21

I SOMOL e ba Got ni ba’adag ni nge chuwegem u pa’ e to’ogor rom, ere ba’adag ni ngan tayfan e motochiyel nge thin rok.

Isaiah 8:20

Thingar mu fulweged ngorad ni nge lungumed, “Mu telmed ko machib rok SOMOL ngomed! Dab mu telmed ko thin ni be yog e pi sothiw — ya n’en ni yad ra weliy ngomed e dabi tay e gafgow u orel.”

Jeremiah 6:16

I SOMOL e ga’ar ngak e girdi’ rok, “Mu sak’iygad ko mdardar ko kanawo’ ngam sapgad; ngam fithed fa yu pa’ i kanawo’ ni kakrom, mfithed e gin bay fare kanawo’ riy ni bfel’. Marod riy nge yag e gapas ngomed.” Machane ke lungurad, “Dab gu warod riy!”

Roma 3:31

Gur fan e ren’ey e aram e ngad n’iged fare Motochiyel ni bochan e ke mich Kristus u wun’dad? Danga’, gathi errogon; ya aram e kad ted e re Motochiyel nem nga tagil’.

Deuteronomy 4:10

fa rofen ni fa’an mu sak’iygad u p’eowchen SOMOL ni Got romed ko burey ni Sinai, me ga’ar SOMOL ngog, ‘Mog nge mu’ulung e girdi’ nga p’eowcheg, ngar rung’aged lamag ni nggu welthin ngorad, miyad nang ni ngu’ur pired ni bay madgug u wun’rad u n’umngin nap’an e yafos rorad, miyad fil ngak pifakrad ni ngu’ur pired ni bay madgug u wun’rad.’

Deuteronomy 4:23

Ngam ayuwgad nge dab mu paged talin fare m’ag ni SOMOL ni Got romed e ke ngongliy u thilmed nge ir. Dariy bmit e liyos ni ngam ngongliyed ni bochan e keyog SOMOL ni Got romed ni dab mu rin’ed,

Deuteronomy 5:2

Burey ni Sinai e ngongliy SOMOL ni Got rodad ba m’ag u rom,

Deuteronomy 8:11

“Ngu’um guyed rogon ndab mpaged talin SOMOL ni Got romed; thingar um folgad u urngin e pi motochiyel rok ni kug pi’ ngomed e daba’.

Deuteronomy 8:19

Ri dab mpaged talin SOMOL ni Got romed fa mu pi’ed keru’med ngak ngu’um ted fan yugu boch e got ma gimed be pigpig ngorad. Fa’an gimed ra rin’ ma gu be micheg ngomed e daba’ nrib muduwgil ni yira thirifmed u but’.