Malaki 3:8 - Bible Ni Thothup

⁸ Nggu fithmed, gur bmat’aw ni nge mororo’ be’ ngak Got? Dangay, machane gimed be mororo’ ngog. Ma gimed be fith ni be lungumed, ‘Uw rogon ni kug mororo’ gad?’ Ko ragag e pasent ko tin bay romed nge tin ngam ognaged.

Malaki 3:8 Σταυροειδείς Αναφορές

Psalms 29:2

Ngan pining e sorok nga fithingan SOMOL nib th’abi fel’; ngan siro’ ngak en nib Thothup u nap’an nra m’ug.

Proverbs 11:24

Boch e girdi’ e yad ma wereg e salpiy rorad nib puf pa’rad riy ma ku be fel’ rogonrad i yan. Ma boch e ba ta kol’ayuw ngay, ma ku be gel e gafgow rorad i yan.

Isaiah 43:23

Da ku um feked i yib ngog e saf ni maligach ni mo’oruf; da ku mur ted fag ko pi maligach romed. Da gu tomal nagmed ni nggu tuwasariymed nthingar mu pi’ed e maligach ngog, ara aw porawmed ni bochan e incense ni gu be yog ni ngu’um pi’ed ngog.

Levitikus 19:25

Ma bin lal e duw e rayag ni ngam ked wom’ngin. Fa’an gimed ra rin’ ni ara’ rogon, me yib wom’ngin ni pire’. I Gag e SOMOL ni Got romed.

Zekariah 5:3

Ma aram me ga’ar ngog, “Daken e re gi babyor nem e kan yoloy ngay e buch wa’athan ni nge nad u daken e nam ni polo’. Ma barba’ i yang ko re babyor nem e be yog riy ni gubin e mororo’ ni bay ni chuweg u daken fare nam; ma barba’ i yang fare babyor e be yog riy ni gubin e pi’in yad ma mow ni go’ bogi ban’en e kiyra chuwegrad.

Malaki 1:13

Ke lungumed, ‘Ke chalabdad ko pin’ey ni urngin!’ Ma gimed be tartareg lechngen p’ethungmed ngog. Gimed ra maligach ngog me pi’ bigimed ba gamanman ngog ni iring, ara reb nib marwoth ara bm’ar. Gimed be finey nra fel’ u wun’ug e pin’nir?

Malaki 1:8

Ngiyal’ ni gimed ra fek i yib ba gamanman nib malmit ara ba m’ar ara ba mugutgut ni ngam maligach niged ngog, ere gimed be leamnag ni dariy ban’en nib kireb riy? Ere mpi’ed ba gamanman ni aram rogon ngak governor ngam guyed! Gur ra felfelan’ ngomed me gol ngomed?”

Matthew 22:21

Miyad fulweg ni lungurad, “ Emperor nu Roma.” Ma aram me ga’ar Jesus ngorad, “Ere mpi’ed ngak e Emperor e tirok’ ban’en, mi gimed pi’ ngak Got e tirok’ ban’en.”

Mark 12:17

Ma aram me ga’ar Jesus ngorad, “Fa’anra errogon me ere mpi’ed ngak e Emperor nu Roma e tirok’ ban’en, mi gimed pi’ ngak Got e tirok’ Got ban’en.” Me ri yad ngat ngak.

Luke 20:25

Miyad fulweg ni lungurad, “ Emperor nu Roma.” Ma aram me ga’ar Jesus ngorad, “Ere mpi’ed ngak e Emperor nu Roma e tirok’ ban’en, mi gimed pi’ ngak Got e tirok’ Got ban’en.”

Roma 13:7

Ere mpi’ed e salpiy ni ngam pi’ed ngorad, ni urngin e tax ni yima pi’, mi gimed liyor ngorad mi gimed tay farad ni yad gubin.

Roma 2:22

Be lungum, “Dab mu pirew be’ ni gathi mabgol rom” — me gur gimew be par be’ ni gathi mabgol rom fa? Ri dabum e liyos nma meybil boch e girdi’ ngay — ma gama moro’ro’ u lan e pi Tempel ni yad bay riy fa?

Joshua 7:11

Ke denen yu Israel! Kar th’abed e tin gu tay chiylen ngorad ni ngar ayweged ndab ni rin’. Kar feked boch fa pin’en ni kugog nthingar ni kirebnag. Kar iringed e pin’em miyad ban u murung’agen, kar ted nga fithik’ e tin ferad ban’en.