Malaki 2:2 - Bible Ni Thothup

² Thingar mu liyor gad ngog ko ngongol romed. Fa’anra dab motoyilgad ko n’en ni gu be yog, ma aram e bay gu bucheg wa’athmed. Bay gu gagiyegnag nge dabki fel’ rogomed ko pin’en ni bfel’ ni be yag ngomed. Kug mu’ i gagiyegnag ni nge kireb, ya damur ted ngan’med e tin kugog ni ngam rin’ed.

Malaki 2:2 Σταυροειδείς Αναφορές

Psalms 69:22

Pi mur ni yad be tay e mang e yigi kireb nagrad; pi madnom ni yad be tay e mang e yigi mang ba wup ngorad!

Proverbs 3:33

I SOMOL e ma tay e buch wa’athan nga daken e tabnaw rok e pi’in kireb, machane ma fal’eg wa’athan e pi tabnaw rok e pi’in mat’aw.

Isaiah 42:25

Ere gagiyeg nagdad ngad thamiyed gelngin e damumuw rok, ngad gafgowgad u fithik’ e mael. Damumuw rok e bod ba nifiy ni yan u lan yu Israel ni ga’ngin, machane da ud nanged fan; dariy ban’en ni mit ngodad riy.

Isaiah 47:7

Ka mu leamnag ni yug bay um par ni gur e bpin ni pilung, ma dam tay e pin’ey u lanin’um ara mu leamnag rogon ni bayi yan i aw.

Isaiah 57:11

I SOMOL e ga’ar, “Mini’ e tiney e got nike k’aring e marus ngomed, ni gimed be ban nigeg ma kug chuw u lanin’med? Fan ni dakmur liyorgad ngog e bochan e ke n’uw nap’an ni kug th’ab gulngag?

Jeremiah 34:17

Ere chiney, I Gag SOMOL e gu be yog ni damur folgad rog; dawor mu pi’ed e pufrogon nga Israel ni polo’. Ere kefel’, bay gu pi’ e pufrogon ngomed: nge pufrogmed ngam m’ad, u fithik’ e mael, ko liliy, nge uyngol. Bay gu pag gubin e nam nu fayleng ngar da’da’gad ni marus ko pin’en ni bay gu rin’ ngomed.

Ezekiel 3:7

Machane dariy be’ u Israel nra m’agan’ ngay ni nge motoyil ngom; mus ngog ma dab ra motoyilgad ngog. Ya yad gubin nib gel lanin’rad ma yad ma togopluw.

Haggai 1:6

Kam yunged e woldug ni grain nrib yo’or, machane wom’ngin ni kam t’ared e ri bochu’uw. Bay e ggan ni ngam ked, machane de gaman ni ngam fosgad ngay. Bay e wayin ni ngam unumed, machane de gaman ni ngam chinggad ngay. Bay e mad romed, machane de gaman ni nge magwal nagmed. Ma pi’in yad be maruwel e dab ra gaman gad u pulworad.

Haggai 1:9

“Um fineyed ni bay mu t’ired wom’ngin e woldug nib yo’or, machane me yan i aw nri buchu’uw. Ma nap’an e mu feked fapi wom’ngin e woldug nga tabnaw, mug kirebnag. Mangfan e binem ni gu rin’? Bochan fare Tempel rog ni be par nib puth u but’ mra bugmed ma ke thay parwon i muruwliy e naun rok.

Malaki 2:1

I SOMOL ni Gubin Ma Rayag Rok e ga’ar ko pi prist, “Ba’aray e n’en ni ngam rin’ed:

Malaki 3:9

Ke buch wa’athmed ni gimed gubin, ya girdi’en e re nam ney ni polo’ e yad be mororo’ rog.

Luke 17:18

Mangfan ni kemus ni cha’ney ni be’ u yugu reb e nam e ke sul ni nge pining e magaer ngak Got?”

Joshua 7:19

Me ga’ar Joshua ngak, “Fakag, mog e tin riyul’ u roy u p’eowchen SOMOL, ni Got nu Israel, mu weliy e kireb rom. Mog ngog e chiney e n’en kam rin’. Dab mu guy rogon ni ngam mithag rog.”

1 Peter 4:11

Cha’ ni be machib e thingari machibnag e thin rok Got ngak e girdi’; ma cha’ ni be pigpig e thingari pigpig u gelngin nike pi’ Got ngak ni fan e nge urngin ban’en ni be rin’ ma nganog e sorok ngak Got riy u daken Jesus Kristus, ni ir e bayi par ni bay e fla’ab u pa’ ma bay gelngin ndariy n’umngin nap’an! Amen.

Revelation 14:7

Me ga’ar ni ba ga’ laman: “Nge yib madgun Got ngomed, mi gimed tayfan nga feni sorok! Ya ke taw nga nap’an ni nge pufthinnag e girdi’. Ere mu siro’gad mi gimed meybil u p’eowchen Got ni ir e sunumiy e tharmiy, nge but’, nge day, nge pi alublub!”

Revelation 16:9

Me yik’ e girdi’ nga gowelngin nib gel, miyad yog e thin nib kireb nib togopluw nga fithingan Got, ni ir e be tay murung’agen e pi gafgow ney; machane dar pi’ed keru’rad ko denen ni yad be rin’ ngrogned e sorok ngak Got.