Malaki 1:9 - Bible Ni Thothup

⁹ Gimed e pi prist, mu fithed Got ni nge gol ngodad ngam guyed. Ya dabi fulweg taban e meybil romed, ma gimed e kireb romed.

Malaki 1:9 Σταυροειδείς Αναφορές

2 Kronicles 30:27

Fapi prist nge pi Levite e ra ninged ngak SOMOL ni nge fal’eg wa’athan fapi girdi’. Me rung’ag Got e pi meybil rorad nga tafen nga tharmiy mab fel’ u wan’.

Exodus 32:11

Machane me wenig Moses ngak SOMOL ni Got rok ni ga’ar, “SOMOL, mang ni ngari gel e damumuw rom ngak e girdi’ rom, ni gur e mu lagrad u tan pa’ yu Egypt nga pa’am nib gel nge gelngim nib gel?

Jeremiah 26:19

Hezekiah ni ir e pilung nu Judah nge girdi’ rok e dar thanged e fan rok Mikah. Ya Hezekiah e yib madgun SOMOL ngak me guy rogon ni nge fel’ u wan’ SOMOL. Ma aram me thiliyeg SOMOL laniyan’ ko fare riya’ ni weliy ni bay girengiy nga dakenrad. Are gadad e chiney e ngad girngiyed e riya’ nib gel nga dakendad.” (

Jeremiah 27:18

Fa’anra rriyul ni yad e profet ni thin rog e kar feked i yib, ma yad ra wenig ngog, ni Gag, fare SOMOL ni Gubin ma Rayag Rok, ni dab gu pag e machaf ni aw u Tempel ngu tafen e pilung ni ngan fek nga Babylon.” (

Lamentations 2:19

Numngin e nep’ ni ngu’um od bayay nge bayay ngu’um yor ngalang ngak Somol; Ni ga be pu’og lanin’um nga but’ ma ga be wenig ngak ni nge wurngan’ nga daken pifakam — Pi bitir ni be li’ e mak’iy u gubin e pi tam’ing ko kanawo’!

Joel 2:12

Me ga’ar SOMOL, ’Mus ko chiney nrayag ni ngan kalngan’uy ngan pi’ keru’uy ko kireb ni yibe ngongliy ngan sul ngog, ni kan pag e abich ma yibe yor ma yibe dololoy’.

Joel 2:17

Pi prist ni yad be pigpig ngak SOMOL u lan e Tempel u thilin langan e mab nge altar e thingar ra yorgad miyad meybil ni lungurad, ’SOMOL, mu runguy girdi’em. Dab mu pag yugu boch e nam ngar darifan niged gamad mu ur moning niged gamad ni be lungurad, ’Bu uw e Got romed?’’

Amos 5:22

Nap’an ni gimed ra fek i yib ngog e maligach ni gamanman ni mo’oruf nge grain, ma dabi fel’ u wun’ug. Ma dabi fel’ u wun’ug e pi gamanman romed ni kam durwi’iyed ke sugsug ni ngam pi’ed ni maligach ngog.

John 9:31

Gadad manang ni Got e dar ma motoyil ngak e pi’in yad ba tadenen; ya ma motoyil ngak e pi’in yad ma tayfan ma yad ma rin’ e tin ni ba’adag ni ngar rin’ed.

Roma 2:11

Yi Got e ta’reb rogon e ngongol nma tay ngak urngin e girdi’.

1 Peter 1:17

Gimed ma pining Got ni Chitamangimed ko ngiyal’ ni gimed ma meybil ngak, ni ir e ma pufthinnag urngin e girdi’ nder ma laniyan’, nra be’ ma be yan u rogon e tin ni i rin’; aram fan nthingar mu pired ni n’umngin e yafos romed u roy u fayleng ni gimed be liyor ngak.