Malaki 1:6 - Bible Ni Thothup

⁶ I SOMOL ni Gubin ma Rayag Rok e be ga’ar ngak e pi prist, “Pi’in bitir e yad ma liyor ko gal labthir rorad, nge pi tapigpig e yad ma liyor ko pi masta rorad. I gag e chitamangimed, ere mangfan ni damur liyorgad ngog? Dubmed gag, ma ke chiney ma gimed be fith ngog ni gimed be ga’ar, ‘Uw rogon ni dubmad gur?’

Malaki 1:6 Σταυροειδείς Αναφορές

Psalms 123:2

Bod ba tapigpig nma toer ngak e masta rok, bod ba yarif nma toer ngak e re bpin nma pigpig ngak, ere aram rogon ni kayiggu changargad ngom, i gur SOMOL ni Got romad, nge taw ko ngiyal’ nike wurengan’um ngomad.

Exodus 20:12

“Mu liyor ko chitamam nge chitinam nge n’uw nap’an ni mu par ko gi binaw nike pi’ SOMOL ni Got rom ngom.

Proverbs 17:6

Pi tutuw nge titaw e yad ba uf ngak pi tonginrad, ni bod e pi’in bitir ni yad ba uf ko pi chitamangirad.

Proverbs 30:11

Bay boch e girdi’ nma togopluw ngak e chitamngin ma darir pininged e magaer ko chitiningrad.

Proverbs 30:17

En nma moningnag e chitmangin ara fanenikay e chitiningin nike pilibthir, e kabfel’ nra luf e arche’ ni raven lanmit me languy e arche’ ni vulture downgin.

Isaiah 1:2

I SOMOL e ga’ar, “Fayleng nge lanelang, mu telmew ko n’en ni gu be yog i gag SOMOL! Fapi bitir ni ug chuguluyrad e kar togopluwgad ngog.

Isaiah 43:23

Da ku um feked i yib ngog e saf ni maligach ni mo’oruf; da ku mur ted fag ko pi maligach romed. Da gu tomal nagmed ni nggu tuwasariymed nthingar mu pi’ed e maligach ngog, ara aw porawmed ni bochan e incense ni gu be yog ni ngu’um pi’ed ngog.

Isaiah 45:10

Gur ra leamnag be’ ni nge ga’ar ngak e gallibthir rok, “Mang ni mu ngongliyew gag ni aray rogog?”

Isaiah 64:7

Dariy be’ ni ka be meybil ngom; ma dariy be’ ni ka be yib ngom ni ngam ayuweg. Kam mithegem romad, ma kam n’agmad ni bochan e denen romad.

Isaiah 64:8

Machane gur SOMOL e chitamangimad gur. Gamad bod e but’ ni yima ngongliy e th’ib riy, me gur e ga bod e en nma ngongliy e th’ib. Kam sunumiymad,

Jeremiah 23:11

Be ga’ar SOMOL, “Pi profet nge pi prist e dakuriy fan Got u wun’rad; kug pir’egrad ni mus ngalan e Tempel ni yad be ngongliy e kireb riy.

Jeremiah 3:4

“Ma chiney ma ga be ga’ar ngog, ‘I gur e chitamag gur, ni ug moy ni gub t’uf rom ni kanpan e kugub bitir.

Jeremiah 31:9

Girdi’ rog e bay ra sulod ni yad be yor, bay gu fekrad i yib ni yad be meybil. Bay gu pow’iyrad nga yu pa’ i lul’, mu gu fekrad u daken ba pa’ i kanawo’ nib pach ndabi tun ayrad riy. Gu bod ba matam ngak piyu Israel, ni Efraim e ir e bin nganni’ e pumo’on ni fakag.”

Jeremiah 35:16

Pi’in owchen Jonadab e ra folgad ko n’en ni tay e pi chitamangirad kakrom chiylen ngorad, machane gimed e damur folgad rog.

Ezekiel 22:26

Pi prist e kar th’abed e motochiyel rog ma dakrir tedfan e n’en nib thothup. Ma dakrir gagyel niged e thil ko tin nib thothup nge tin nde thothup. Ma dakrir machib niged e thil ko tin nde ta’ay nge tin nib ta’ay. Kar feked yathin e Sabbath. Ke yan i aw ni girdi’ nu Israel e dakrir liyorgad ngog.

Hosea 12:8

Yad be ga’ar, ‘Kefel’ rogodad, bo’or bogi ban’en ni bfel’ nike yag ngodad. Ma dariy be’ nrayag ni nge yog ni kad fla’abgad u fithik’ e sasalap.’

Hosea 4:6

Girdi’ rog e kan thirifrad u but’ ya dakriy madgug u wun’rad. Gimed e pi prist e kam pi’ed keru’med ngog, are nggu n’agmed ni dabkum manged prist rog. Ma bochan e kam paged talin e motochiyel ko Got romed, ma aram e bay kug pag talin pifakmed ni pumo’on.

Hosea 5:1

“Gimed e pi prist, mu telmed ko pi thin ni ba’aray! Gimed piyu Israel, e ngar mu telmed! Gimed e pi’in ni girdi’en e tabinaw rok e en pilung, mu telmed! Susun e gimed e ngu’um turguyed e gechig nib mat’aw, machane bay yib e gechig ngomed! Kam manged ba wup u Mizpah, ni bangi nug ni kan k’iyag u daken e burey ni Tabor,

Levitikus 19:3

Ra bigimed ma thangri tay fan e chitningin nge chitmangin, ma ngam ayuweged e madnom ko Sabbath, ni bod rogon ni kugog; ya Gag e SOMOL ni Got romed.

Zefaniah 3:4

Fapi profet e dariy ban’en nma m’ag rorad ni yad bogi sasalap; ma fapi prist e kar ta’ay niged e n’en nib thothup, ma yad ma dalib nag e motochiyel rok Got nge mang yad e fel’ ngorad.

Malaki 2:1

I SOMOL ni Gubin Ma Rayag Rok e ga’ar ko pi prist, “Ba’aray e n’en ni ngam rin’ed:

Malaki 2:10

Gathi gadad gubin ni ta’reb e chitamangidad? Gathi ta’ab Got e sunmiydad ni gadad gubin? Ere mangfan ni gadad be th’ab e tin ni kad micheged ngodad ni ngad rin’ed, ma mangfan ni gadad be fananikay fare m’ag ni ngongliy Got u thilrad e pi chitamangidad kakrom?

Malaki 2:8

“Machane gimed e pi prist e kam pi’ed keru’med ko bin nib mat’aw e kanawo’. Machib ni gimed be tay e ke waliy bo’or e girdi’ kar ngongliyed e kireb. Kam th’abed fare m’ag ni gu ngongliy u thildad.

Malaki 3:5

Be ga’ar SOMOL ni Gubin ma Rayag Rok, “Bay gub gu m’ug u fithik’med ni nggu pufthin, ma bay gu welthin nib togopluw ngak e pi’in yad ma pig, nge pi’in yad ma par e girdi’ ni gathi mabgol rorad, nge pi’in yad ma lifith l’ugunrad u tafen e puf oloboch, nge pi’in yad ma ban nag e pi’in yad be maruwel rorad ngu’ur pi’ed puluwrad ni buch’uw, nge pi’in yad ma gafgownag e pi’in ke yim’ figirngirad, nge pi’in kanim’ rorad, nge girdi’ nu bang, nge gubin e pi’in ndarir ted fag.”

Matthew 15:4

Ya ga’ar Got, ‘Mu liyor ko chitamam nge chitinam’, miki ga’ar, ‘En nra yog e chitamngin fa chitiningin nga dalib e thingar nli’ ngem’.

Matthew 15:6

ma aram e dakuriy fan ni nge tayfan e chitamngin. Ireray rogon ni kam n’iged fan e thin rok Got kam folgad ko tin gimed e msunumiyed gimed be machibnag.

Matthew 19:19

mu liyor ko chitamam nge chitinam; ma gin’en ni ga bay riy e nge t’uf rom e en ni ir e mmigid ngom ni gowe gur.”

Matthew 6:9

Ba’aray rogon ni ngam meybilgad ni nge lungumed: ‘Chitamangimad ni ga bay u tharmiy: Ngan tay fan fithingam nib thothup,

Matthew 7:21

“Gathi gubin e girdi’ nma piningeg nma lungurad ‘Somol, Somol,’ e yad ra yan nga gil’ilungun Got u tharmiy, ya kemus ni pi’in yad ma yan nga laniyan’ e Chitamag nu tharmiy.

Mark 10:19

Ga manang fapi motochiyel ni ga’ar: ‘Dab mu li’ be’ ngem’; dab mu pirew be’ ni gathi mabgol rom; dab mmoro’ro’; dab mu t’ar e thin nga daken be’; dab mu sabanbannag be’; mu liyor ko chitamam nge chitinam.’ ”

Mark 7:10

Ya ga’ar Moses, ‘Mu liyor ko chitamam nge chitinam;’ ku errogon ni yog ni ga’ar, ‘En nra yog e chitamngin fa chitiningin nga dalib e thingar nli’ ngem’.’

Luke 10:29

Machane fare tamchib ko Motochiyel e ba’adag ni nge yan i par ni ir be’ nib mat’aw, ma aram me fith ngak Jesus ni ga’ar, “Mini’ e en ni ir e mmigid ngog?”

Luke 18:20

Ga manang fapi motochiyel ni ga’ar, ‘Dab mu pirew be’ ni gathi mabgol rom; dab mu li’ be’ ngem’; dab mmoro’ro’; dab mu t’ar e thin nga daken be’; mu liyor ko chitamam nge chitinam.’ ”

Luke 6:36

Ere um runguyed e girdi’, ni bod rogon e Chitamangimed nma runguy e girdi’.”

Luke 6:46

“Mangfan ni gimed be piningeg ni be lungumed Somol, Somol, ma damur rin’ed e tin ni gu be yog ngomed?

Efesus 6:2

“Mu liyor ko chitamam nge chitinam” e bin som’on e motochiyel ni bay bbugithin nni yigey ngay ri ga’ar:

Deuteronomy 1:31

ngu lan fagi ted ni desert. Kam guyed rogon ni fekmed i yib ngam mada’gad ngaray ndariy ban’en ni buch romed, ri bod rogon ba matam ni be fek ba pagel ni fak.’

Deuteronomy 32:6

Mog, arrogon ngongolmed ngak SOMOL, gimed e pi balyang nir ni dariy e gonop romed? Ir e chitamangimed, me ir e sunumiymed, me ir e gagiyeg nagmed kam manged ba nam.

Deuteronomy 5:16

“‘Mu liyorgad ko chitamangimed nge chitiningimed, ni bod ni Gag SOMOL ni Got romed e kug taychilen ni ngam rin’ed’, ya nge par ni ngi i fel’ wa’athmed ma ku arrogon ni ngki n’uw nap’med u lan tafenmed ni kug pi’ ngomed.

1 Peter 1:17

Gimed ma pining Got ni Chitamangimed ko ngiyal’ ni gimed ma meybil ngak, ni ir e ma pufthinnag urngin e girdi’ nder ma laniyan’, nra be’ ma be yan u rogon e tin ni i rin’; aram fan nthingar mu pired ni n’umngin e yafos romed u roy u fayleng ni gimed be liyor ngak.