Malaki 1:3 - Bible Ni Thothup

³ ma dabug Esau nge pi’in owchen. Kug kirebnag e binaw rok Esau ni go’ burey kug pi’ e gi binaw nem ngak e gamanman ni malboch.”

Malaki 1:3 Σταυροειδείς Αναφορές

Genesis 25:23

Me ga’ar SOMOL ngak fare pin, “L’agruw e nam ni bay u yal rom, ni gal raba’ i girdi’ nem ni bay mu gargeleg e bay ur tagenginggow ngorow; bagayow e bayi par nib gel ngak bagayow, ma en nib ilal e bayi par ni ir e tapigpig rok e en nib bitir.”

Isaiah 35:7

ma yan’ ni be yik u desert e bayi ngal’ ni bangi lipath, ma yungi but’ nike mlik e bayi sug ko alublub. Ma gin i par e gamanman ni jackal riy e bay i tugul e pan nge ro’uy riy.

Jeremiah 49:10

Ma aram mu gu chuweg e upong u daken e pi’in owchen Esau ni dagpag buchu’uw mug m’ugnag e yungin ni yad ma mith riy, ya ngar pired ni dabkiyag nra mithgad. Gubin e girdi’ nu Edom e kan thang owcharad. Dariy bagyad ni magach.

Jeremiah 49:20

Ere mmotoyilgad nga rogon ni kug tanomnag ni nggu togopluw ko girdi’ nu Edom, nge n’en ni ku gu leamnag ni nggu rin’ ko girdi’en fare binaw nu Teman. Mus ngak pifakrad ni bay ni chuwegrad, ma gubin e girdi’ nra rus.

Jeremiah 49:33

Yu Hazor bayi par nike daken e ted ni dariy n’umngin nap’an, ni go’ jackal e ri i par riy. Dakriy be’ ni ku ra par bingyal’ u rom. I Gag SOMOL e kugog e pi thin ney.”

Jeremiah 49:7

Irera’ e n’en ni yog SOMOL ni Gubin ma Rayag Rok u murung’agen yu Edom: “Gur, girdi’ nu Edom e ke man lanin’rad? Gur, dakir yog e pi tafanow rorad e n’en ni ngar rin’ed? Gur, gubin e gonop rorad ma ke chuw?

Jeremiah 49:8

Girdi’ nu Dedan, mu pigichealgad ngam milgad ngam mman mithgad! Arame nggu thang mit e pi’in owchen Esau ni bochan e ke taw nga nap’an rog ni nggu gechig nagrad.

Jeremiah 51:37

Re binaw nem e bayi par ni dakriy woton u but’ ni go’ gamanman ni malboch e ma par riy. Nike tamdag ya’an ni dakriy be’ nra par u rom, gubin e pi’in yad raguy miyad ra dugow.

Jeremiah 9:11

I SOMOL e be ga’ar, “Bay gu gagiyegnag yu Jerusalem nge par nike puth e naun riy, nge yan i par ni bangi ban’en nike tafnay e gamanman ni jackal; pi binaw nu Judah e bayi par nike bod e ted ni desert, ni dakriy be’ riy.”

Lamentations 4:22

Zion e ke pi’ puluwon e denen rok; i SOMOL e dabki ta’mad ni kalbus u milekag nib n’uw nap’an. Machane gur Edom, e bayi gechig nigem SOMOL; nge pug ngalang ngonglem ni kireb.

Ezekiel 36:7

I Gag SOMOL ni Th’abi Tolang, e gu be michmicheg ni fapi nam ni ba liyegrad e bay ni darifan nagrad.

Ezekiel 36:9

Gubmang ngomed, ma bay gu micheg ni but’ romed e bay kun gi’ bayay min yung e woldug ngay.

Joel 3:19

“Bayi par yu Egypt ni bod bangi ted ni desert, ma yu Edom e ke kireb ndakuriy ban’en ni bfel’ ngay, ni bochan e rchamgad ko nam nu Judah ngar li’ed e girdi’ riy, ni dariy ban’en ni kar bucheged.

Obadiah 1:10

“Bochan e mororo’ nge thang pogofan ni um tay ngak pibe’ rom ni pi’in owchen Jakob, bay ni thirfem u but’ me m’ay fam ni manemus.

Luke 14:26

“En nra yib ngog e dabiyag ni nge mang reb i gachalpeg ni fa’anra dabi m’onegeg rok e chitamngin nge chitiningin, nge leengin nge pifak, nge pi walagen ni pumo’on nge pi walagen ni ppin, ma ku errogon ir.