Malaki 1:2 - Bible Ni Thothup

² Be ga’ar SOMOL, “Gubin ngiyal ni gimed bt’uf rog.” Miyad fulweg nra ga’ar gad, “U rogon ni kam dag ngomad ni gamad bt’uf rom?” Me fulweg SOMOL ni ga’ar, “I Esau nge Jakob e ruw i walag ni pumo’on, machane ba t’uf Jakob rog nge pi’in owchen,

Malaki 1:2 Σταυροειδείς Αναφορές

Genesis 25:23

Me ga’ar SOMOL ngak fare pin, “L’agruw e nam ni bay u yal rom, ni gal raba’ i girdi’ nem ni bay mu gargeleg e bay ur tagenginggow ngorow; bagayow e bayi par nib gel ngak bagayow, ma en nib ilal e bayi par ni ir e tapigpig rok e en nib bitir.”

Genesis 25:25

Bin som’on e pagel nni gargeleg e ba dake row, ma biyach u downgin e bod ba mad ni bay bunu’en, ma aram fan ntunguy fithingan ni Esau.

Genesis 25:26

Ma fa’an nni gargeleg e bin ba’aram e pagel ni walagen, ma ke kol wurilen ay Esau nike chichi’iy pa’ riy, ma aram fan ntunguy fithingan ni Jakob. Mi Isak e nel’ i ragag e duw yangren nap’an nni gargelegrow.

Genesis 27:33

Ma aram me t’on Isak nreb me fith ni ga’ar, “I mini’ fa’anem nike li’ ba gamanman ke ngongliy rogon ke fek i yib ngog ni nggu way? Ya ka fini gu mu’ i kay ma kam taw. Ere kug yibilay, ma ke par riy ni aram rogon ndariy n’umngin nap’an.”

Genesis 48:4

I ga’ar ngog, ‘Bay gu pi’ e bitir ngom ni pire’, nge par ni pi’in owchem e bay ra manged girdi’en bo’or e nam; ma bay gu pi’ e re nam ney ngak e pi’in owchem me par ni yad e taferad ni dariy n’umngin nap’an.’

1 Kings 10:9

Ke sorok SOMOL ni Got rom! Ya ke dag ni ga be par ni gab fel’ u wan’ ya ke tem ni gur e pilung nu Israel. Bochan e be par nrib t’uf yu Israel rok ndariy n’umngin nap’an, ma ke pilung nigem ni ngu’um gagiyeg nib yal’uw ma bfel’ ngak e girdi’.”

2 Kings 3:8

Pa’ ni ngan e kanawo’ e nga darow riy ko mael?” Me fulweg Joram, ni ga’ar, “Nga darow ko fare kanawo’ nib n’uw ni yan nge th’ab daken e ted nu Edom.”

Isaiah 43:4

Gu ra tay bogi nam ni polo’ nga luwam ni fan e nggu ayuweg e pogofan rom, ya ri gab fel’ u wun’ug ma bochan e ri ga ba t’uf rog rog ma aram e gu be gagiyeg nagem ngu’un tay fam.

Isaiah 63:1

“Mini’ e cha’nem ni be yib u Bozrah ko binaw nu Edom? Mini’ e cha’nem nike yin’ e mad ni row nrib gamog, ni be yib ni bay gelngin nib gel?” Ir SOMOL ni bay gelngin nira ayuw, nike yib ni nge yog nike gel.

Jeremiah 2:31

Gimed e girdi’ nu Israel, mu telmed ko mang e gu be yog. Gur ka’a gu bod bangi desert ngomed, ara ba nam nib lumor ma ba yo’or e maad’ad riy? Ere mangfan ni gimed be yog ni ngu’um rin’ed e n’en ni gimed ba’adag, ma gimed e dab ku mu sulod ngog?

Jeremiah 2:5

Be ga’ar SOMOL: “Be mang e ren’en nib kireb ni pir’eg e pi chitamangimed rog, nike gagiyeg nagrad ka ra pi’ed keru’rad ngog? Ur meybilgad ngak bogi liyos nib m’ay fan mranod ra pired nike m’ayfarad.

Jeremiah 31:3

mu gu par u palog nggu m’ug ngorad. Gimed e girdi’ nu Israel, gubin ngiyal’ ni ug par ni gimed ba t’uf rog, ere bay ug par ni gu be dag ngomed e t’ufeg rog ni dabimus.

Amos 1:11

Be ga’ar SOMOL, “Girdi’ nu Edom e kar denen gad bayay nge bayay, ere ri bay gu gechig nagrad. Kar lol’oged e girdi’ rorad ni piyu Israel, ni der kireban’rad ngorad. Dariy folan e damumuw rorad ni yug be par ni der m’ay.

Malaki 2:17

Ke aw parwon SOMOL ko thin romed. Machane be lungumed, “Ni uw rogon ni kug aw niged parwon?” Ya gimed be ga’ar, “I SOMOL ni Gubin ma Rayag Rok e be leamnag ni urngin e girdi’ ni be ngongliy e kireb e bfel’; ya ba’adagrad.” Ara gimed be fith ni be lungumed, “Bu uw fare Got ni yima leamnag nma rin’ e tin nib mat’aw?”

Luke 10:29

Machane fare tamchib ko Motochiyel e ba’adag ni nge yan i par ni ir be’ nib mat’aw, ma aram me fith ngak Jesus ni ga’ar, “Mini’ e en ni ir e mmigid ngog?”

John 15:12

Ba’aray e n’en ni nggu ning chiylen ngomed: nge bigimed me t’uf bigimed rok, ni bod rogon ni gimed ba t’uf rog.

Deuteronomy 10:15

Machane feni t’uf e pi chitamangimed rok SOMOL, ma aram me mel’egmed u fithik’ gubin e girdi’, ke par riy ni aram rogon ni gimed e girdi’ rok.

Deuteronomy 23:5

Machane SOMOL ni Got romed e de motoyil ngak Balaam. Ya n’en ni rin’ e thilyeg e buchwa’athan nge ngal’ ni fel’wa’athan ni bochan e gimed ba t’uf rok.

Deuteronomy 33:3

SOMOL e rib t’uf e tirok e girdi’ rok, ma yoror rok e girdi’ nike mil farad ngak. Ere da parawgad nga but’ u to’oben e rifrif u ay, ma gadad fol ko tin keyog.

Deuteronomy 4:37

Ba t’uf pi chitamangimed rok me mel’eg e pi’in ni owcherad u fithik’ e girdi’ ni nge mang e tirok e girdi’, ma gelngin nrib gel e maruwel ngay nge fekmed nga wuru’ yu Egypt,