Luke 9:27 - Bible Ni Thothup

²⁷ Mu ted fanmediyan ko re bugithin ni ba’aray! Nggog ngomed ni bay boch e girdi’ u roy ndab ra m’ad miyad guy e gagiyeg rok Got.”

Luke 9:27 Σταυροειδείς Αναφορές

Matthew 16:28

Mu ted fanmediyan ko re bugithin ni ba’aray! Bay boch e girdi’ u roy ndab ra m’ad me yan i taw ko ngiyal’ ni bay ra guyed e en ni Fak e Girdi’ nike yib ni ir e pilung.”

Mark 14:25

Nggog ngomed ni gathi bay ku gu unum e re wayin ney bayay nge yan i mada’ ko chirofen ni bay gu unum e bin nib be’ech e wayin ko gin nsuwon Got.”

Mark 9:1

Me ul ul ngay ni ga’ar, “Mu ted fanmediyan ko re bugithin ni ba’aray! Bay boch e girdi’ u roy ni dab ra m’ad me yan i taw ko ngiyal’ ni bay ra guyed e gagiyeg rok Got nike taw ni bay gelngin nib gel.”

Luke 2:26

nike micheg fare Kan Nthothup nga laniyan’ ni dabi yim’ me guy fare Messiah ni yog Somol ni bayi pi’.

Luke 22:18

ya nggog ngomed ni gathi bay ku gu unum e wayin nge yan i mada’ ko ngiyal’ ni bay yib e gagiyeg rok Got.”

John 14:2

Pire’ e senggil ni bay u lan e naun rok e Chitamag, me ere nggu wan gu ngongliy tagil’med. Fa’an mang e gathi aram rogon ma dab gog ngomed e re bugithin ney.

John 16:7

Machane nggog e tin riyul’ ngomed: kabfel’ ngomed ni gu ra yan, ya fa’anra dab gu wan, ma en ni nge ayuwegmed e dabi yib ngomed. Ma fa’an gu ra yan ma gu ra pi’ nge yib ngomed.

John 8:59

Miyad fek e malang ni ngar paged ngak; machane me mithag Jesus ir nge chuw u lan fare Tempel.

Hebrews 2:9

Machane Jesus e gadad be guy! Ya ba ngoch nap’an ntay nib sobut’ ngak e pi engel, ni nge yim’ ni fan ngak urngin e girdi’ ni bochan e be runguy Got e girdi’. Ma kad guyed nike te’eliyawnag Got ko sorok nge tayfan e chiney ni bochan fare yam’ ni tay ni gafgow riy.