Luke 9:2 - Bible Ni Thothup

² Ma aram me l’oegrad ngranod ni ngar machib niged ngak e girdi’ u murung’agen e gagiyeg rok Got, miyad golnag e pi’in nib m’ar.

Luke 9:2 Σταυροειδείς Αναφορές

Matthew 10:5

Jesus e l’oeg e re ragag nge l’agruw i girdi’ ney, ma ba’aray e pin’en ni yog ni ngar rin’ed ni ga’ar, “Dab marod ngalan e nam ko pi’in gathi yad piyu Israel fa lan e pi binaw ni bay e girdi’ nu Samaria riy.

Matthew 13:19

Pi’in nrung’aged e thin rok Got ni murung’agen e gagiyeg rok ma de yag nra nanged fan e yad bod awochngin e woldug ni wear nga daken marichlen e kanawo’ u milay’. Me yib Fa’anem nib Kireb nge leag e n’en ni kan wereg nga fithik’ i lanin’rad.

Matthew 24:14

Ma re Thin rok Got ney Ni Bfel’ ni murung’agen e gagiyeg rok Got e bay ni machibnag u gubin yang u fayleng ni nge urngin e girdi’ me nang, ma aram mfini taw nga tomuren e fayleng.

Matthew 3:2

ni be ga’ar, “Mpi’ed keru’med ko denen ni gimed be rin’, ya gagiyeg nu tharmiy e ke chugur!”

Mark 16:15

Me ga’ar ngorad, “Mmarod nga gubin yang u fayleng, ngam machib niged e Thin Ni Bfel’ ngak urngin e girdi’.

Mark 6:12

Ma aram mranod ngu’ur machib niged i yan ndabisiy ni nge pi’ e girdi’ keru’rad ko denen ni yad be rin’.

Luke 10:1

Tomuren e biney me mel’eg Somol yugu boch e girdi’ ni medlip i ragag nge l’agruw i pumo’on me l’oegrad ngranod ni yad lal’agruw, ni ngar m’onod rok ngranod ngalan urngin e binaw nge yungi n’en ni be n’en ni nge yan ngay.

Luke 10:11

Mus ko fiyath ko re binaw romed ney nike gabal ko rifrif u aymad e nggu chuweged nib togopluw ngomed; machane mu ted fanmediyan ko re bugithin ney, ni Gagiyeg rok Got e ba chugur ngomed!

Luke 10:9

mi gimed golnag e pi’in nib m’ar u lan e re binaw nem, me lungumed ngak e girdi’ riy, Gagiyeg rok Got e ba chugur ngomed.

Luke 16:16

“Fare Motochiyel rok Moses nge pin’en ni i yoloy e pi profet e un maruwel ngay nge yib i mus nga nap’an John ni i tawfe; ma aram e ngiyal’ ntabab i weliy e Thin Ni Bfel’ ni murung’agen e gagiyeg rok Got, ma urngin e girdi’ nra be’ me athamgiliy ni nge yan ngay.

Luke 9:11

Ma fa’ani rung’ag fapi girdi’ ni yo’or murung’agen miyad lek Jesus. Me pagrad ngar pired rok, mi i weliy ngorad murung’agen e gagiyeg rok Got ma be golnag e pi’in yad mm’ar.