Luke 9:19 - Bible Ni Thothup

¹⁹ Miyad fulweg ni lungurad, “Be ga’ar boch e girdi’ e gur John ni i tawfe. Ma boch e girdi’ e be ga’ar e gur Elijah, ma boch e girdi’ e be ga’ar e gur reb fapi profet ni kakrom ni kamfos ko yam’.”

Luke 9:19 Σταυροειδείς Αναφορές

Malaki 4:5

“Machane u m’on ndawori taw e re rran nem rok SOMOL, ni aram fare rran ni ba ga’ ma ba gel e gafgow riy, e bay gu l’oeg fare profet i Elijah nge yib ngomed.

Matthew 14:2

Me ga’ar ngak e pi tolang ni yad bay nga tan, “Cha’nem e ri ir John ni i tawfe nike fos ko yam’. Aram fan ni bay gelngin ni nge ngongliy e maang’ang.”

Matthew 3:1

Ngiyal’ nem e yib John nma tawfe me tabab ko machib u daken e ted u Judea,

Mark 6:14

Me rung’ag Herod ni Pilung murung’agen e pin’ey, ya ke wear murung’agen Jesus ni yigo’o kan nang i yan. Me ga’ar boch e girdi’, “I John ni i tawfe e ke fos ko yam’! Aram fan ni bay gelngin ni nge ngongliy e maang’ang.”

Mark 6:15

Machane me ga’ar boch e girdi’, “I Elijah.” Ma boch e girdi’ e lungurad, “Ir reb e profet ni bod reb fapi profet ni kakrom.”

Luke 9:18

Bay ba ngiyal’ ni be meybil Jesus ni go ir, me yib pi gachalpen ngak. Me fithrad ni ga’ar, “Be yog e girdi’ ni yo’or ni gag mini’?”

Luke 9:20

Me fithrad ni ga’ar, “Ma gimed e be lungumed e gag mini’?” Me fulweg Peter ni ga’ar, “I gur fare Messiah rok Got!”

John 1:21

Miyad fith ni lungurad, “Ere gur mini’? I gur Elijah?” Me fulweg John ngorad ni ga’ar, “Danga’, gathi gag.” Miyad fith ni lungurad ngak, “Ere mog, i gur fare profet?” Me fulweg ni ga’ar, “Danga’.”

John 1:25

Miyad fith John ni lungurad, “Fa’anra gathi gur fare Messiah, ara Elijah, ara fare profet, me ere mang ni ga be tawfenag e girdi’?”

John 7:40

Ma bo’or e girdi’ u fithik’ fapi girdi’ ni aram urngirad nrung’aged Jesus ni yog e re bugithin ney me lungurad, “Re mo’on ney e riyul’ ni ir fare profet!”

John 9:17

Me ere ki fith fapi Farise fare mo’on bayay ni lungurad, “Kamog nike chuweg e malmit rom — kam guy ban’en, ere be lungum e ir mini’?” Me fulweg ni ga’ar, “I ir ba profet.”