Luke 8:52 - Bible Ni Thothup

⁵² Ma girdi’ ni yad bay u rom e yad gubin ni yad be yor ma yad be dololoy’nag fachi pin. Me ga’ar Jesus, “Dakumur yorgad; ya cha’nir e dawori aw e fan rok, ya be mol!”

Luke 8:52 Σταυροειδείς Αναφορές

Genesis 23:2

Me yim’ u Hebron u lan yu Kanaan, me kireban’ Abraham me mowawnag.

2 Samuel 18:33

Me ri kireban’ David ni Pilung. Me yan ngalang ko fare senggil ni bay u daken e chigiy ko garog nge yor. Ma nap’an ni be yan ngalang ma be yor ni be ga’ar, “Absalom ni fakag! Absalom ni fakag! Fa’an mang e gu wan nga luwam nggum’ ma kabfel’! Absalom ni fakag! Absalom ni fakag!”

Exodus 24:17

Ma piyu Israel e yad be guy maluplupen SOMOL ni bod ba nifiy ni be daramram u daken p’ebugul e re burey nem.

Zekariah 12:10

“Bay gu suguy laniyan’ e pi’in owchen David, nge tin kabay e girdi’ u Jerusalem ko kan nthothup ko wurengan’ nge kan nthothup ko meybil. Bay ra changargad ngak fa en kar yip’ed ko sarey ke yim’, miyad yornag ni bod be’ ni yornag be’ ni fak ni kari ma’agrag rok. Bay ra yorgad nrib gel ni bod be’ ni yornag e bin nganni’ e pagel u fak.

Matthew 11:17

‘Kug chubeged e musik ni yima tay ko m’agpa’ ni fan ngomed, ma da mu churu’gad! Ma ku gon’ed e tang ni yima tay ko mo’od nge gum’eyag, ma da mu yorgad!’

Luke 23:27

Ma bo’or ni bo’or e girdi’ ni lek Jesus; ni bay boch e ppin u fithik’rad ni yad be yornag ni be yan lamrad ngalang.

Luke 23:48

Ma girdi’ ni kar mu’ulunggad ngaram ni ngar guyed e n’en ni yibe rin’ e fa’anra guyed ni aram rogon, ma yad gubin nra sulod nga taferad ni yad be pirdi’iy pa’rad nga daken ngorongorrad nike kireban’rad.

Luke 8:51

Ma fa’ani taw Jesus ko fare naun ma de pag yugu be’ nge un ngak ngalan fare naun ya kemus ni Peter, nge John, nge James nge chitamngin nge chitiningin fachi pin e pagrad ngar uned ngak.

Luke 8:53

Ma yad gubin nra moninggad ngak, ya yad manang nike aw e fan rok.

John 11:4

Ma nap’an ni rung’ag Jesus me yog ni ga’ar, “Ke yib e m’ar ngak Lazarus, machane wenegan e liliy ni keb ngak e dabi yan i aw ni yam’; ya ke yodorom ni fan e nganog e sorok ngak Got, me ir e ngkunog e sorok ngak Fak Got riy.”