Luke 8:39 - Bible Ni Thothup

³⁹ “Mu sul nga tafnam ngam weliy e n’en ke rin’ Got ngom.” Me yan fare mo’on u lan fare binaw ni ga’ngin ni be weliy murung’agen e n’en ke rin’ Jesus ngak.

Luke 8:39 Σταυροειδείς Αναφορές

Psalms 66:16

Mired ngam motoyilgad, gimed urngin e pi’in gimed ma liyor ngak Got, ma bay gog ngomed e tin ke rin’ ni fan ngog.

Mark 1:45

Me yan ngi i weliy murung’agen i yan, ni aram tapgin ma dakiyag ni yan Jesus ngalan reb e binaw nga fithik’ e girdi’ ni yo’or. Mi i par Jesus ko yungi n’en ndariy e girdi’ riy, me mang girdi’ e ur bad ngak u gubin yang.

Mark 5:18

Ma nap’an ni af Jesus ngalan e bowoch me wenig fare mo’on ngak, ni fa’ani immoy ni ying fapi mo’onyan’ ngak ni be ga’ar, “Nggu un ngom!”

Mark 5:19

Ma de pag Jesus fa’anem ni nge un ngak. Machane me yog Jesus ngak ni ga’ar, “Mu sul ngak girdi’en e tabinaw rom ngam weliy ngorad urngin e n’en ke rin’ Somol ngom, nge gelngin e runguy nike tay ngom!”

Luke 8:38

Ma fare mo’on ni fa’an kechuw fapi mo’onyan’ rok e wenig ngak Jesus ni ga’ar, “Nggu un ngom.” Machane me yog Jesus ngak ni nge yan, ni ga’ar,

Luke 8:40

Fa’ani sul Jesus nga baraba’ fare lipath me felfelan’ e girdi’ ni pire’ nike mu’ulung ya ke sul ngorad, ya yad gubin ni kar pired ni yad be sonnag.

John 4:29

“Mired ngam guyed be’ nib mo’on nike weliy ngog urngin ban’en ni ug rin’. Gur i ir fare Messiah?”

Deuteronomy 10:21

Um pininged e sorok ngak, ya ir e Got romed ma kam guyed nga owchemed e pi maang’ang ni un ngat ngay ni rin’ ni fan ngomed.

1 Timothy 5:8

Ma fa’anra dabi ayuweg be’ e girdi’ rok, ni ba ga’ ni girdi’en e tabinaw rok, ma aram e ke n’ag rogon nib mich Got u wan’, ma kab gel e kireb rok ngak be’ ndawori mich Got u wan’.