Luke 8:25 - Bible Ni Thothup

²⁵ Ma aram me ga’ar ngak pi gachalpen, “Bu uw e michan’ romed?” Me lungurad rorad, “I mini’ e cha’ney? Nra non ko nifeng nge n’ew me fol rok!” Ya kar gin gad ma kar tamdaggad.

Luke 8:25 Σταυροειδείς Αναφορές

Proverbs 30:4

Gur bay be’ ni ka’a yan nga tharmiy kesul nga but’? Gur bay be’ nike kol e nifeng nga pa’? Gur bay be’ nike bachiy e day ngalan bang i mad fa ke duwgiliy e gin ni yan i mus e fayleng riy? Mini’ e cha’nir ni fa’anra gamnang? Mini’ be’ ni fak?

Proverbs 8:29

me yog ngak e day ndabi ga’ e yilu’ nge pag e gin keyog ni ngi i mus riy. Gu bay ko ngiyal’ ni sunumiy e pi def ko fayleng.

Matthew 14:31

Ka chingiyal’ nem me k’iyag Jesus pa’ nge kol me ga’ar ngak, “Rib achig e michan’ rom ngak Got. Mangfan ni be maruwar Got u wun’um?”

Matthew 17:20

Me fulweg Jesus ngorad ni ga’ar, “Bochan e de gaman e michan’ romed. Mu ted fanmediyan ko re bugithin ni ba’aray! Fa’anra bay e michan’ romed ngak Got ni bod mam’ungun ba awochngin e mustard, mrayag ni nge lungumed ko re burey ney, ‘Mman u roy aram!’ mra yan. Ma demturug ban’en mrayag romed!”

Matthew 6:30

I Got e ir e be pi’ e mad ko pan — ni pan ni bay u roy e daba’, me gabul ma dakuriy, ya kan urfiy u lan e stof. Ere gathi bmuduwgil nra pi’ Got e mad ngomed? Rib achig e pagan’ romed ngak Got!

Matthew 8:10

Ri gin Jesus ko re bugithin ney ni rung’ag, me ga’ar ko fapi girdi’ ni yad be un ngak, “Nggog ngomed, ndawor gguy be’ u Israel nrib mich Got u wan’ ni bod gelngin nib mich Got u wan’ e cha’ney.

Matthew 8:26

Me fulweg Jesus ni ga’ar, “Mang ni kari mu rusgad? Rib achig e michan’ romed ngak Got!” Me sak’iy ngalang nge non ko nifeng nge n’ew, me ri mocha’.

Mark 4:35

Chirofen nem nike yan i gonowrug me ga’ar Jesus ngak pi gachalpen, “Mmarow ngdarod nga ba’nem e lipath.”

Luke 12:28

I Got e ir e be pi’ e mad ko pan ni pan ni bay u roy e daba’, me gabul ma dakuriy, ya kan urfiy u lan e stof. Ere gathi bmuduwgil nra pi’ Got e mad romed? Rib achig e pagan’ romed ngak Got!

Luke 8:24

Me yib pi gachalpen ngak ngar puged ni be lungurad, “Masta, Masta! Ngad m’ad!” Me sak’iy ngalang nge non ko nifeng nge n’ew; me gapas nge aw e cho’.

Luke 8:26

Miyad yan u bowoch ko nug nu Gerasa ni bay nga baraba’ e lipath u Galile.

John 11:40

Me ga’ar Jesus ngak, “Gathi gog ngom faram ni ga ra guy e tin nrayag ni nge rin’ Got ni yira ngat ngay ni fa’anra mmich Got u wun’um?”