Luke 7:21 - Bible Ni Thothup

²¹ Ka re ngiyal’ i n’em me golnag Jesus bo’or e girdi’ ko m’ar nge liliy, me tuluf e mo’onyan’ rok bo’or i yad ngar golgad, ma bo’or e girdi’ nib malmit ni chuweg e malmit rorad.

Luke 7:21 Σταυροειδείς Αναφορές

1 Kings 8:37

“Ma ra yib e uyongol u lan e nam, ara ba misilpig, ara yib e nifeng nib gowel nge kirebnag e woldug, ara misilpig nma yib ko woldug, ara yu ran’ i asmen’ing, ara yib e pi to’ogor ra m’aged e mael ngak e tirom e girdi’, ara yib bmit e liliy ara m’ar ngorad,

Levitikus 14:48

Fa’anra yib fare prist ni nge guy fare naun bayay ma daki sum fare pthethaw bayay nga tomuren ni kan thilyeg e rungrung riy, ma aram e nge yog ni daki ta’ay fare naun, ya ke chuw fare pthethaw ni ga’ngin.

Matthew 4:23

Me yan Jesus nga gubin yang u Galile, ni be machibnag u lan tafen e mu’ulung rorad e Thin Ni Bfel’ ni murung’agen e gagiyeg rok Got, ma be golnag e girdi’ u urngin mit e liliy nge m’ar.

Matthew 4:24

Me wear murung’agen u daken e nam nu Syria ni ga’ngin, ma aram mi i fek e girdi’ i yib ngak urngin e pi’in bay e liliy rorad ni gubin mit, nge pi’in kar gafgowgad u urngin mit e gafgow; ni girdi’ nike ying e mo’onyan’ ngorad, nge girdi’ ni bay e m’ar rorad ni epilepsy, nge pi’in ndariy gelngin bang u dowrad, ma yigo’ gol nagrad Jesus ko liliy ni yad gubin.

Mark 3:10

Ke yo’or e girdi’ nike gol nagrad ko liliy, ma aram e urngin e girdi’ ni yad bm’ar ma yad be apinpin i yan ngak ngam’on nra bagayad ma be guy rogon ni nge math ngak.

Mark 5:29

Me math ko mad rok Jesus, ma ka chingiyal’ nem me tal racha’en; me thamiy rok nike gol ko m’ar rok.

Mark 5:34

Me ga’ar Jesus ngak, “Fakag, michan’ rom ngak Got e ke gol nigem. Mman nike pagan’um, ya kam gol ko m’ar rom.”

Luke 7:20

Ma fa’anra bow ngak Jesus me lungurow ngak, “John nma tawfe e ke l’oegmow ni nggu fithew gur ni nge lungumow, Gur fa’anem ni yog John ni bay yib fa kabay be’ ni ngu’ug son niged?”

Hebrews 12:6

Ya Somol e ma gechignag e en nib t’uf rok, mma toy e en nike tay ni fak.”