Luke 7:16 - Bible Ni Thothup

¹⁶ Ma gubin e girdi’ nra mudugdaggad, miyad yog e sorok ngak Got ni be lungurad, “Ke yib i m’ug reb e profet ni ba ga’ u fithik’dad!” Miki lungurad, “Ke yib Got ni nge thapeg e girdi’ rok ngak!”

Luke 7:16 Σταυροειδείς Αναφορές

Psalms 65:9

Ga be dag ni ga be ayuweg e but’ ko n’uw ni ga be pi’; ga be fal’eg rogon be par nib yong’ol. Ka mu suguy e pi lul’ ko ran; ga be pi’ e woldug ko but’. Irera’ rogon ni ka mu rin’:

Exodus 4:31

Me mich u wun’rad, ma fa’an rrung’aged nike yib SOMOL ngorad ke guy gelngin e gafgow ni yibe tay ngorad, miyad siro’ ngar pininged e magaer ngak Got.

Jeremiah 33:9

Jerusalem e bayi par ni tagil’ e felfelan’ nge liyor, ni gub uf ngay; ma gubin e nam u fayleng e bay rrusgad ngu’ur durru’gad ko marus ko ngiyal’ ni yad ra rung’ag murung’agen e pin’en nib manigil ni ku gu rin’ ngak e girdi’ nu Jerusalem nge murung’agen e fla’ab ni ku gu pi’ ko fare binaw.”

Matthew 15:31

Ma fa’ani guy fapi girdi’ nike welthin e pi’in nda i yag ni ngar uned ko numon, nge pi’in yad bmarwoth ni kar sulod nga rogorad, nge pi’in yad bmugutgut ni kar uned ko yan, nge pi’in yad bmalmit nike yag ni kar guyed ban’en miyad ngat ngay; ma aram miyad yog e sorok ngak fare Got nu Israel.

Matthew 21:11

Me fulweg fapi girdi’ ni pire’ ni pire’ ni be lungurad, “Ireray fare profet i Jesus ni yib u Nazareth nib binaw ni bay u lan yu Galile.”

Matthew 28:8

Ma aram miyow gurgur ngar chuwgow ko fare low ni kar tamdaggow, machane kar felfelan’gow, miyow mil ngranow rognew ngak pi gachalpen.

Matthew 9:8

Ma fa’ani guy e girdi’ ni aram rogon, miyad tamdag, miyad yog e sorok ngak Got ni bochan e ke pi’ gelngin ni aram rogon ngak e girdi’.

Luke 1:65

Ma urngin fapi cha’ nib chuchugur taferad ngak e yib e tamdag ngorad me wear murung’agen e pin’ey ngak urngin e girdi’ ni yad be par u daken e burey i yan ko nug nu Judea.

Luke 1:68

“Ngad pininged e sorok ngak Somol, ni ir fare Got rok yu Israel! Ya ke yib ni nge ayuweg e girdi’ rok nge biyuliyrad.

Luke 19:44

Ma bay ra kireb niged gur nge girdi’ ni bay u lan e yoror rom; ma dariy ta’reb e malang ni yad ra pag u tagil’, ni bochan e de pow rom e ngiyal’ ni yib Got riy ni nge thapegem ngak!”

Luke 2:20

Me sul fa pi’in yad ma gafaliy e gamanman, ni yad be tang ni aram e yad be pining e sorok ngak Got u urngin e tin ni kar rung’aged nge tin ni kar guyed; ya rogon ni yog fare engel ngorad e aram rogon nra pir’eged.

Luke 24:19

Me fith ni ga’ar, “Bogi mang?” Miyow fulweg ngak ni lungurow, “N’en ni kan rin’ ngak Jesus nu Nazareth. Re mo’on nem e ba profet ni bay rogon u wan’ Got nge urngin e girdi’, ya bay gelngin e thin ni i yog nge tin ni i rin’.

Luke 5:26

Mi yigo’o ra gin gad ngay! Me yib e tamdag ngorad nib gel, miyad yog e sorok ngak Got ni be lungurad, “Kad guyed e maang’ang e daba’!”

Luke 5:8

Ma fa’ani guy Peter e pi nig nem ni aram urngin, me ragbug nga but’ u p’eowchen Jesus me ga’ar, “Somol, mman ngam chuw rog, ya gag be’ ni gub tadenen!”

Luke 7:15

Me suwon fare yam’ ngalang me non, ni aram e ke fulweg Jesus fachi cha’ ngak e chitiningin.

Luke 7:39

Ma fare Farise ni ir e pining Jesus nge yib, e fa’ani guy e ren’em, me ga’ar u wan’, “Fa’anra riyul’ nre mo’on ney e ba profet, ma kenang ko mini’ e re pin ney ni be math ngak, ma kenang e re mit i ngongol nib kireb nma ngongliy!”

Luke 8:37

Ma urngin fapi girdi’ ko gi nug nem nra mu’ulunggad ngar weniggad ngak Jesus ni nge yan nge chuw u rom, ya yad gubin nike yib e tamdag ngorad nib gel. Ma aram me af Jesus ngalan fare bowoch nge yan.

Luke 9:19

Miyad fulweg ni lungurad, “Be ga’ar boch e girdi’ e gur John ni i tawfe. Ma boch e girdi’ e be ga’ar e gur Elijah, ma boch e girdi’ e be ga’ar e gur reb fapi profet ni kakrom ni kamfos ko yam’.”

John 1:21

Miyad fith ni lungurad, “Ere gur mini’? I gur Elijah?” Me fulweg John ngorad ni ga’ar, “Danga’, gathi gag.” Miyad fith ni lungurad ngak, “Ere mog, i gur fare profet?” Me fulweg ni ga’ar, “Danga’.”

John 1:25

Miyad fith John ni lungurad, “Fa’anra gathi gur fare Messiah, ara Elijah, ara fare profet, me ere mang ni ga be tawfenag e girdi’?”

John 4:19

Me ga’ar fare pin, “Kug nang ni gur reb e profet.

John 6:14

Ma girdi’ ni yad bay u rom e ra guyed e re maang’ang nem nike ngongliy Jesus, me lungurad, “Riyul’ ni ireray fare profet ni fa’ani ir e nge yib ngaray nga fayleng!”

John 9:17

Me ere ki fith fapi Farise fare mo’on bayay ni lungurad, “Kamog nike chuweg e malmit rom — kam guy ban’en, ere be lungum e ir mini’?” Me fulweg ni ga’ar, “I ir ba profet.”

Acts 5:5

Nap’an ni yigi rung’ag Ananias e re bugithin nem me thig nga but’ nike yim’; ma urngin e pi’in nrung’ag murung’agen e ren’em e yib e marus ngorad.

Acts 7:37

I ir fare Moses ni yog ngak piyu Israel ni ga’ar, I Got e bayi pi’ ba profet nge yib ngomed, ni be’ ni bayi sum romed ni bod rogog ni pi’eg nggub ngomed.

Galatia 1:24

Ma aram miyad yog e sorok ngak Got ni bochag.

Deuteronomy 18:15

Ye SOMOL ni Got romed e bayi pi’ ba profet ngomed ni bod gag ni bayib i sum u fithik’ e tiromed e girdi’, ma ngu’um folgad rok.