Luke 6:41 - Bible Ni Thothup

⁴¹ “Mangfan nib m’uth owchem nga ba tabyu’ ni bay u lan mit be’ ni walagem, machane damur tiyan’um nga ba ley i gek’iy ni bay u lan owchem?

Luke 6:41 Σταυροειδείς Αναφορές

1 Kings 2:32

Bayi gechignag SOMOL i Joab ni bochan e mthang pogofan ni i tay, ni i rin’ nda i nang e chitamag i David. I Joab e li’ nge yim’ l’agruw i pumo’on nde buch e rorow ma yow ba manigil boch ngak Joab: Abner, nib ga’ ko salthaw nu Israel, nge Amasa, nib ga’ ko salthaw nu Judah.

1 Kronicles 21:6

Bochan e de magan’ Joab ko tin keyog fare pilung ngak ni nge rin’, ma aram e de the’eg e girdi’ ko fa gali ganong rok Levi nge Benjamin.

Psalms 36:2

Ya bochan e ba tolngan’, ma be leamnag ndabi pir’eg Got e denen rok nge gechignag.

Jeremiah 17:9

“Mini’ e rayag ni nge nangfan lanyan’ e girdi’? Dakriy yug reb e ban’en ni aram feni sasaliyab; ke pag rogon feni m’ar ni dabki gol.

Ezekiel 18:28

Ya kenang ni tin be rin’ e ba kireb me tal ndaki denen, ere mmudugil ndabi yim’, ya ra par nib fos.

Matthew 7:1

“Dab mu turguyed e kireb nga daken e girdi’, nge dabi turguy Got e kireb nga dakenmed —

Mark 8:7

Ma ku bay in e nig ni ba’achig rorad. Miki fek Jesus me pining e magaer ngak Got ni bochan fapi nig, nge mu’ me yog ngorad ni ngkur f’othed fapi nig ko girdi’.

Luke 6:40

Dariy be’ ni yibe sukulnag nib tolang ngak e en ni ir e be fil ban’en ngak; machane gubin e girdi’ ni yibe sukulnagrad e fa’anra mu’nag bagayad e sukul ni yibe tay ngak, ma aram e ke bod rogon e cha’ ni ir e be sukulnag.

Luke 6:42

Ere ra di’in me lungum ngak walagem, Mu son, nggu chuweg e re tabyu’ ni be’er u lan owchem, machane damur guy fare ley i gek’iy ni bay u lan owchem? Ere gur e cha’ ni ga be dake modingnigem! Som’on e ngam chuweg fare ley i gek’iy u lan owchem, nge mu’ ma aram e rayag ni mu guy ban’en ngam chuweg fare tabyu’ ni bay u lan owchen be’ ni walagem.”

John 8:7

Miyad par ni yad ba sak’iy ko gin’em ni yad be fith Jesus, me puw Jesus ngalang me ga’ar ngorad, “Aromed ndawori rin’ ta’reb e denen e ir e nge pag e bin som’on e malang ngak e re pin nir.”

Roma 2:1

Ga be turguy e kireb nga daken be’ u fithik’ e leam nib kireb? Demturug ko gur mini’, ma dakuriy e tawey rom. Ya gara turguy e kireb nga daken boch e girdi’ u fithik’ e leam nib kireb, ma ka gabe rin’ e pin’en ni yad be rin’, ma aram e gur e ka ga be turguy e gechig rom.

James 1:24

Me yaliy ir nge mu’ me yan, ma ka chingiyal’ nem me pag talin rogon ya’an.