Luke 6:12 - Bible Ni Thothup

¹² Re ngiyal’ i n’em e yan Jesus nga daken bburey ni nge meybil, me par u rom ni reb e neap’ ni be meybil ngak Got.

Luke 6:12 Σταυροειδείς Αναφορές

Psalms 22:2

Ra rran mu gu piningem, I gur Got rog, machane damur fulweg lamag; gu be piningem nnep’, ma daryag ni nggu toffan.

Isaiah 26:9

Ra nep’ ma ru gu ma fineyem u polo’ i lanin’ug; ko ngiyal ni ga ra pufthinnag e fayleng nge girdi’ riy, ma yad gubin ma bay fin ra nanged ko mang e ba mat’aw.

Daniel 6:10

Fa’ani nang Daniel ni kan sayin ko fare gi babyor, me yan nga tabinaw. Ma bay ba senggil ko thal ni lang ko naun rok nib sap e winda riy nga Jerusalem. Bod ni ku ma rin’ ni gubin e rran, ma garbug nga but’ u langan e winda rok nib mab nge meybil ngak Got ni dalip yay u reb e rran.

Matthew 5:1

Me guy Jesus fapi girdi’ ni aram urngirad me yan nga daken e burey, me yan i par nga daken. Me mu’ulung pi gachalpen nga to’oben,

Matthew 6:6

Machane fa’an ga ra meybil, ma ga yan nga senggil rom ngam ning e mab, ma ga meybil ko Chitamam ni be’ ndanir guy. Ma Chitamam ni be guy e n’en ni kam rin’ nde nang e girdi’ e bayi pi’ puluwon ngom.

Mark 1:35

Tanirran ni kab neap’ me od Jesus nge yan nga wuru’ e binaw, me yan ngabangi n’en ndariy e girdi’ riy, me par u rom nge meybil.

Mark 3:13

Me yan Jesus nga daken bburey me pining e pi’in ba’adag ni ngarbad ngak. Miyad yib ngak,

Mark 6:46

Ma nap’an ni mu’ Jesus i fangichiyrad me yan nga daken bburey ni nge meybil.

Luke 5:16

Machane bayi n’en me yan ni go ir ko yungi n’en ndariy e girdi’ riy nge meybil.

Luke 6:11

Me yib e damumuw ngorad nib gel miyad tabab i puruy’nag u fithik’rad e n’en ni ngar rin’ed ngak Jesus.

Luke 6:17

Marbad e pi apostel u daken e burey nga but’, me yib i sak’iy Jesus nga daken e tagapas, ni yad boch i gachalpen ni pire’. Ma bay e girdi’ u rom ni pire’ ni pire’ nike mu’ulung, ni girdi’ ni yib u gubin yang u Judea, ngu Jerusalem, nge pi binaw nu Tyre ngu Simon nib chugur ko day;

Luke 9:18

Bay ba ngiyal’ ni be meybil Jesus ni go ir, me yib pi gachalpen ngak. Me fithrad ni ga’ar, “Be yog e girdi’ ni yo’or ni gag mini’?”

Luke 9:28

Gonap’an e nga reb e wik nga tomuren nike yog e pi thin ney, me fek Jesus Peter, nge John, nge James ngar uned ngak ngranod nga daken bburey ni nge meybil.

Luke 9:29

Ma nap’an ni be meybil, me thil ya’an owchen me pig ram’en e mad rok ngari wechwech ni be galgal.

John 6:3

Me yan Jesus nga daken bburey me yan i par nga but’ ni yad pi gachalpen.

Kolose 4:2

Dab mpaged e meybil, mu tiyan’med ko ngiyal’ ni gimed be meybil riy, ma gimed be pining e magaer ngak Got.

Hebrews 5:7

Nap’an ni immoy Jesus u roy u fayleng me meybil ni wenig ngak Got ni ba ga’ laman u fithik’ e lu’, ya ir e rayag rok ni nge tay Jesus ni dabi yim’. Ma bochan e ba sobut’ laniyan’ ma rib m’agan’ ngay ni ngi i fol rok Got, ma aram fan ni fulweg Got taban e meybil rok.

1 Samuel 15:11

“Kug kolngan’ug ni gu turguy Saul ni nge mang pilung; ya ke pi’ keru’ ngog daki fol ko tin gog ngak ni nge rin’.” Me par Samuel ni kari kireban’ ma ke damumuw, me par e re nep’ i n’em ni polo’ ni be wenig ngak SOMOL.