Luke 5:35 - Bible Ni Thothup

³⁵ Machane bay ba ngiyal’ ni bayi taw ngay mi ni fek fare mo’on rorad ni ir e nge mabgol, ma aram e bay ra pired ndab ku ra ked ban’en ko pi rran nem.”

Luke 5:35 Σταυροειδείς Αναφορές

Isaiah 22:12

I SOMOL ni Th’abi Tolang ma Gubin ma Rayag Rok e i piningmed ni ngam yorgad mi gimed dololoy’, migmed puy piyan lolugmed ngam chuwgad ko mad ni tutuw.

Daniel 9:26

Ma bayi m’ay e ngiyal’nem ni Got e ke turguy ma bay ni thang e pogofan rok fa en ni turguy Got ni nge gagiyeg, ndariy ban’en nike bucheg. Re binaw nem nge fare Tempel ni bay riy e bay yib e salthaw rok ba pilung nib gel gelngin ngar buthuged. Ma tomur riy e yib ni bod e lul’ ni sugubur nge yib e ran riy i tharey e binaw nib tomgin nike fek e mael nge mogothgoth i yib ni Got e ke tiriggiliy.

Zekariah 13:7

I SOMOL ni Gubin ma Rayag Rok e ga’ar, “Saydon, mu od ngam cham ngak fare tagafaliy e saf nma maruwel rog! Mu li’ ngem’, nge wagey fapi saf. Bay gu cham ngak pi girdi’eg,

Matthew 9:15

Me fulweg Jesus ni ga’ar, “Gimed be finey ni pi’in kan piningrad ni ngarbad ko madnom ko mabgol e ngar pired nib kireban’rad ni n’umngin i nap’an ni bay rorad fare mo’on ni ir e ngan ngongliy e mabgol rok? Bmuduwgil ni danga’! Machane bay ba ngiyal’ ni bayi taw ngay ni bay ni fek fare mo’on ni ir e nge mabgol ngan chuweg rorad, ma aram e bay ur paged e abich.

Mark 2:20

Machane bay ba ngiyal’ ni bayi taw ngay ni ireram e ngiyal’ ni bay ni fek fare mo’on rorad; nap’an nra taw ko chirofen nem ma aram mra paged e abich.

Luke 17:22

Me ga’ar ngak pi gachalpen, “Bayi taw nga ba ngiyal’ ni bay mfineyed ni manga yugu mu guyed ta’reb e rran ko pi rran rok e en ni Fak e Girdi’, machane dabiyag ni mu guyed.

Luke 5:34

Me fulweg Jesus ni ga’ar, “Gimed be finey mrayag ni ngam taleged e pi’in nni piningrad ngarbad ko madnom ko mabgol ni ngar pired ndab ra abichgad u n’umngin i nap’an ni bay rorad fare pumo’on ni ir e ngan ngongliy e mabgol rok? Bmuduwgil ndanga’!

Luke 5:36

Miki yog Jesus e re fanathin ni ba’aray ngorad ni ga’ar, “Dariy be’ nra guchthuy bangi mad u ba mad nib be’ech ni nge thufeg nga ba mad nike kaday. Ya fa’anra rin’ ma aram e ke guchthuy fare mad nib be’ech, ma fa gi mad nib be’ech nike guchthuy e dabi m’ag ko fare mad nike kaday.

John 12:8

Ya pi’in gafgow e gubin ngiyal’ ma yad bay romed, machane gag e gathi gubin ngiyal’ ni bay ug par romed.”

John 13:33

Pifakag, dabki n’uw nap’an mu gu pagmed. Bay um gayed gag; machane nggog ngomed e chiney e n’en ni kugog ngak piyu Israel ni fa’an ke lungug ngorad, ‘Dabiyag ni ngam marod ko gin ni bay gu wan ngay.’

John 16:28

Ku gub rok e en ni Chitamangiy ngaray nga fayleng; me ere chiney e bay gu chuw u roy u fayleng nggu sul ngak e en ni Chitamangiy.”

Acts 1:9

Fa’ani mu’ i yog rok e re bugithin ney, mi ni fek ngalang nga tharmiy ni yad be guy, nge yan i chuw nga fithik’ bangi manileng nge dakur guyed.

Acts 14:23

Mra reb e galesiya miyow turguy e pi’in pi’ilal riy ni yad e ngu’ur ayuweged girdi’en e galesiya riy; miyow par ni kar pagew e abich ngar pi’ew yad ngak Somol u fithik’ e meybil, ni fare Somol ni ir e ke pagan’rad ngak.

Acts 3:21

Thangri par u lan e tharmiy nge yan i mada’ ko ngiyal’ ni nge thiliyeg Got urngin ban’en riy nge be’echnag, ni bod rogon nike weliy Got kakrom u l’ugun e pi profet rok nib thothup.

1 Korinth 7:5

Ra ba wu’ e mabgol ma dabi tel bagayow ir rok bagayow, kemus ni fa’anra ke ta’reban’row ngay ni ngar talgow u rogon n’umngin nap’an ni yow ba’adag, ni fan e nge yag nra tiyan’gow ko meybil; me mu’ miyow sul ngkur rin’ew e n’en nma rin’ e mabgol, ya ri fek Satan ban’en i yib ngak bagayow, ni ban’en nrayag ni nge pingeg fa’anem nge denen, ni bochan e dakiyag rok fa’anem ni nge k’adan’.

2 Korinth 11:27

Ma kug maruwel nib gel e maruwel ni kug tay; oren ngiyal’ e dariy e mol; ma gu be yim’ ko bilig nge belel; ma ke yo’or yay ni kug gafgow ko ggan, nge naun, nge mad.