Luke 5:13 - Bible Ni Thothup

¹³ Me k’iyag Jesus pa’ nge math ngak me ga’ar Jesus, “Mm’agan’ug ngay, aram e ngam be’ech!” Ka chingiyal’ nem me chuw e daraw rok fa’anem.

Luke 5:13 Σταυροειδείς Αναφορές

Genesis 1:3

Me non Got ni ga’ar, “Nge tamilang” — me tamilang.

Genesis 1:9

Me non Got ni ga’ar, “Ran ni bay u tan e palpal th’ib e nge mukun nga ta’bang nge yib i m’ug e binaw” — me yodorom.

2 Kings 5:10

Me l’oeg Elisa ba tapigpig nge yog ngak Naaman ni nge yan i maluk ngalan e lul’ ni Jordan ni medlip yay, me chuw e daraw u downgin nge sul nga rogon.

2 Kings 5:14

Me yan Naaman ko lul’ ni Jordan me lith ni medlip yay ni bod rogon ni yog Elisa ngak, me chuw e daraw rok nge par downgin ni gowa downgin bochi tir.

Psalms 33:9

Ya nap’an ni non, me sum e fayleng; miki non, me yib i m’ug urngin ban’en.

Ezekiel 36:29

Bay gu chuwegmed u fithik’ urngin ban’en nma taymed ni kam kirebgad u p’eowcheg. Bay gu non ko woldug ni grain nge pire’ i pire’, nge dabki yib e uyongol ngomed.

Hosea 14:4

Be ga’ar SOMOL, “Bay gu fulweg e girdi’ rog ngog. Ma bay ra pired nri yad ba t’uf rog, ya dakugur damumuw ngorad.

Matthew 8:3

Me k’iyag Jesus pa’ nge math ngak. Me fulweg ni ga’ar, “Bm’agan’ug ngay, aram e ngam be’ech!” Kachingiyal’ nem me chuw e daraw rok.

Luke 4:39

Me yan Jesus i sak’iy nga to’oben e bet rok, me non ngak fare gowel ni bay u daken fa’anem ni nge chuw. Me chuw e gowel u daken me suwon ngalang ni kachingiyal’ nem, me tabab fare pin i ayuwegrad ko tin ni nge yag ngorad.

Luke 5:12

Bay ba yay ni immoy Jesus u lan bbinaw ni bay be’ riy ni kayigi foch e daraw u dow. Ma fa’an yigi guy fa’anem Jesus, me paraw nga but’ u p’eowchen me wenig ngak ni be ga’ar, “Somol, fa’anra mm’agan’um ngay, mrayag rom ni ngam be’ech nigeg!”

Luke 5:14

Me tay Jesus chiylen ngak ni ga’ar, “Dabmog murung’agen e n’en ni kug rin’ ngom ku be’, machane mman ndab mu tal u bang ngam man mu taw ngak e prist nge guy ko kabay e daraw rom fa dakuriy; me ere mpi’ fare maligach ni bod rogon ni yog Moses, ni ir e nge mang mich ngak urngin e girdi’ ndakuriy e daraw rom e chiney.”