Luke 4:29 - Bible Ni Thothup

²⁹ Miyad sak’iy ngar girngiyed Jesus i yan nga wuru’ e binaw, miyad fek i yan nga p’ebugul e re burey ni ba’aram ni ir e bay e binaw rorad riy ni ngron’ed u taban bangi war nib tolang nga but’.

Luke 4:29 Σταυροειδείς Αναφορές

2 Kronicles 25:12

ma ku 10,000 e ra koled ngar feked ni kalbus. Miyad fek fapi kalbus nga daken bangi rech ko fare binaw nu Sela ngar thuruyed fapi cha’ nga but’ ngar awgad ko malang u tan e rech ngarm’ad.

Psalms 37:14

Pi’in kireb e kar girngiyed e saydon nge gating rorad ni ngar li’ed e pi’in gafgow nge pi’in dariy ban’en rorad, miyad thang e fan rok e pi’in yad bfel’;

Numbers 15:35

Ma aram me ga’ar SOMOL ngak Moses, “Re mo’on nem e thingar ni thang e pogofan rok; piyu Israel ni gubin e ngar malang niged nge yim’ u wuru’ e gin yad be par riy.”

Luke 4:28

Ma urngin e girdi’ ni ur moyed u lan tafen e re mu’ulung nem e rrung’aged e pi thin ney miyad damumuw.

John 8:37

Gu manang ni gimed owchen Abraham. Machane gimed be guy rogon ni ngam thanged e fan rog, ya dabumed ni ngam folgad ko tin ni gu be machibnag.

John 8:40

Machane kemus ni n’en ni kug rin’ e kugog ngomed e tin riyul’ ni kug rung’ag rok Got. Machane kigimed be guy rogon ni ngam thanged e fan rog. I Abraham e de rin’ ban’en ni bod e tin ni kam rin’ed!

John 8:59

Miyad fek e malang ni ngar paged ngak; machane me mithag Jesus ir nge chuw u lan fare Tempel.

Hebrews 13:12

Ireray fan ni ki yim’ Jesus u wuru’ e garog ko fare binaw, ni fan e nge maluknag e girdi’ nga racha’en nge chuw e denen rorad ngar be’echgad.