Luke 4:20 - Bible Ni Thothup

²⁰ Me bachiy Jesus fare gi babyor me pi’ ngak e en nma pigpig u tafen e mu’ulung, me par nga but’. Ma urngin e girdi’ ni yad bay u lan e re tafen e mu’ulung nem e ra pired ni yad be sap ngak.

Luke 4:20 Σταυροειδείς Αναφορές

Matthew 26:55

Me non Jesus ngak fare ulung i girdi’ ni ga’ar ngorad, “Mang ni kambad ni kam feked e saydon nge gul ni ngam koled gag ni gowa gag be’ ni kug th’ab e motochiyel? Gubin e rran ni ug par u Tempel nga but’ ngu’ug machib, ma da mkoled gag.

Matthew 27:60

me yan i tay ngalan e birok’ e low ndawori n’uw nap’an ni ker nga fithik’ e war u taban e rech. Me lulubiy baraba’ i malang ni ba ga’ nge ning nga langan fare low me yan.

Luke 19:48

machane de pat ngorad rogon ni ngar rin’ed, ya urngin e girdi’ ni kar pired ni yad be motoyil ngak Jesus, ndaburad ni nge yan ta’ab bugithin nike yog ndar rung’aged.

Luke 4:17

mi ni pi’ e babyor rok Isaiah ni profet ngak. Me pithig fare gi babyor ni kan bachiy ko fa gin’en ni kan yoloy ni ga’ar:

Luke 4:21

Me tabab ko welthin ngorad ni ga’ar, “Fare gin’en ni kad be’eged u lan e babyor nib thothup e ke yib i m’ug nib riyul’ e bin daba’ e rran, ni bod rogon ni kug be’eg kam rung’aged.”

Luke 5:3

Me af Jesus ngalan reb fa gali bowoch — ni m’or Simon — me wenig ngak Simon ni nge thuruy bochu’uw nga orel u dap’e ran. Me par Jesus nga but’ u daken fare bowoch ngi i machibnag fapi girdi’ ni aram urngin.

John 8:2

Ri kakadbul u reb e rran riy me sul nga Tempel. Me mu’ulung fapi girdi’ ni aram urngirad nga to’oben, me par nga but’ nge tabab i machib nagrad.

Acts 16:13

Me chirofen ni Sabbath ma gamad yan nga wuru’ e re binaw nem nga to’oben e lul’, ko gin ni kug fineyed ni ra moy bang riy nma mu’ulung piyu Israel ngay ngu’ur meybilgad. Ma gamad yan gu pired nga but’ ngu’ug welthingad ngak bogi ppin ni kar mu’ulunggad ngaram.

Acts 3:12

Ma fa’ani guy Peter fapi girdi’, me ga’ar ngorad, “Gimed e pi’in pumo’on nu Israel, mang ni kam gin gad ko ren’ey, ma mang ni kam lik’athgad ngomow? Gimed be finey ni gelngimow ara fenmow thothup e kug gol nigew e re mo’on ney ngay ke un ko yan?