Luke 4:16 - Bible Ni Thothup

¹⁶ Me ere sul Jesus nga Nazareth ko gin ni ir e nchuguluy riy nge ilal, me chirofen ni Sabbath me yan ngalan tafen e mu’ulung ni bod nma rin’. Me sak’iy ngalang ni nge be’eg fare babyor nib thothup,

Luke 4:16 Σταυροειδείς Αναφορές

Matthew 2:23

me yan i toy e naun rok ngalan bbinaw nike lunguy yu Nazareth. Me rin’ ni aram rogon ni fan e nge yib i m’ug nib riyul’ e n’en ni yog e pi profet ni lungurad, “Bay nog ni be’ u Nazareth.”

Luke 2:39

Fa’anra mu’gow i rin’ urngin e tin keyog e motochiyel rok Somol ni ngan rin’, miyow sul ko binaw rorow nga Nazareth ni bay u lan yu Galile.

Luke 2:42

Ma nap’an nike gaman e ragag nge l’agruw e duw yangren Jesus, miyad yan ko re madnom nem ni bod urngin e duw.

Luke 2:51

Ma aram me un Jesus ngorow ngar sulod nga Nazareth, mi i par ni be fol rorow. Me tay e chitiningin urngin e pin’em nga laniyan’.

Luke 4:15

Me machib u lan e pi tafen e mu’ulung rorad i yan, ma urngin e girdi’ ni yog e sorok ngak.

Luke 4:17

mi ni pi’ e babyor rok Isaiah ni profet ngak. Me pithig fare gi babyor ni kan bachiy ko fa gin’en ni kan yoloy ni ga’ar:

Luke 4:21

Me tabab ko welthin ngorad ni ga’ar, “Fare gin’en ni kad be’eged u lan e babyor nib thothup e ke yib i m’ug nib riyul’ e bin daba’ e rran, ni bod rogon ni kug be’eg kam rung’aged.”

Luke 4:23

Me yog ngorad ni ga’ar, “Gu manang ni bay mogned fare bugithin ngog ni fa’ani ga’ar, ‘Togta, mu gol nigem ko liliy.’ Ma bay kumoged ngog ni ngkug rin’ u roy u lan e binaw rog e pin’en ni kam rung’aged ni kug rin’ u Kapernaum.”

John 18:20

Me fulweg Jesus ni ga’ar, “Urngin ngiyal’ ni gu ma machib ngak urngin e girdi’ u fithik’ e girdi’ ni yo’or; ma urngin e machib ni gu ma tay e gu ma tay u lan tafen e mu’ulung i yan ngu lan e Tempel ko gin nma mu’ulung urngin e girdi’ nu Israel ngay. Dawor gu weliy, ban’en nib mith.

Acts 17:2

Me yan Paul ngalan tafen e mu’ulung nrogon ni ka ma rin’. Ma dalip e rran ni Sabbath ni i welthin ngak e girdi’ u lan e babyor nib thothup,