Luke 3:8 - Bible Ni Thothup

⁸ Mu rin’ed e ngongol ni nge dag ni kam pi’ed keru’med ko denen ni gimed be rin’. Ma dab umogned romed ni be lungumed, ‘I Abraham e ir e chitamangidad.’ Ya nggog ngomed ni Got e rayag rok ni nge fek e pi malang ney nge ngongliy ngar manged e pi’in owchen Abraham!

Luke 3:8 Σταυροειδείς Αναφορές

Nehemiah 5:11

Mu thanged u babyor urngin e malfith rorad ni bay romed — ni salpiy nge grain nge wayin nge gapgep ko olive. Mi gimed sulweg ngorad e chiney e yungi flang rorad nge woldug ni grape, nge taf’i’rad ni gek’iy ni olive, nge naun rorad!”

Ezekiel 33:24

I ga’ar, “Fak e girdi’, pi’in yad be par u lan e pi binaw ni kan kirebnag ni bay u lan e nam nu Israel e be lungurad, ‘I Abraham e ta’abe’, me pi’ Got e re nam ney ngak ni ga’ngin. Ma gadad e gadad pire’, ere re nam ney e chiney e ke mil suwon ngodad.’

Matthew 21:43

Me ul ul Jesus ngay nge ga’ar, “Ere nggog ngomed ni gagiyeg rok Got e bay ni chuweg romed ngan pi’ ngak girdi’en reb e nam ni yad e bay yib wom’engirad ni bfel’.”

Matthew 3:8

Mu rin’ed e ngongol ni ir e nge dag ni kam piliyeged pangimed.

Matthew 3:9

Dab mfineyed nrayag ni nge yib e tawey romed ni bochan e be lungumed, I Abraham e chitamangidad. Ya nggog ngomed ni Got e rayag ni nge fek e pi malang ney nge ngongliy ngar manged e pi’in owchen Abraham!

Luke 13:25

“Ya cha’ ni ir e masta ko fare naun e ra sak’iy nge ning e mab; ma fa’an mu sak’iygad u wuru’ e mab mi gimed tabab i tugtuguy e mab me lungumed, Mbing e mab ngomad! ma bayi fulweg ni ga’ar, Da gu nang e gin kambad riy.

Luke 13:26

Ma bay mu fulweged ngak ni lungumed, Nggu uned ngom ko abich nge garbod; ya um machib u lan binaw romad!

Luke 14:9

ma cha’ ni non ngomew ni ngam bow e ra yib me ga’ar ngom, ‘Mu guy rogom nge mang e cha’ ni ba’aray e par ko ginnir ni ga bay riy.’ Ma aram ma ga tamra’ ma ga yan mpar ko gin ntagil’ e girdi’ ni sobut’.

Luke 19:40

Me fulweg Jesus ni ga’ar, “Nggog ngomed ni fa’an yad ra th’ab gulungrad, mra mang malang e tolul.”

Luke 19:9

Me ga’ar Jesus ngak, “Kanawo’ ni nge thap e girdi’ riy ngak Got e ke taw ko re naun ney e daba’, re mo’on ney e ku errogon ni ir be’ ni owchen Abraham.

Luke 5:21

Ma fapi tamchib ko Motochiyel nge fapi Farise e rogned u lanin’rad ni be lungurad, “I mini’ e cha’ney? Ya re bugithin nem ni keyog e ke togopluw riy ngak Got. Ya dariy be’ nrayag ni nge n’ag fan e denen; ya kemus ni Got e rayag rok!”

John 8:33

Miyad fulweg ni lungurad, “Gamad owchen Abraham, ma dawor gu manged sib rok be’ bi’id. Ere mangfan ni ga be yog ni be lungum, Bayi ayuwegmed nge dab kum pired ni gimed e sib?”

John 8:39

Miyad fulweg ngak ni lungurad, “I Abraham e chitamangimad.” Me fulweg Jesus ngorad ni ga’ar, “Fa’an mang e riyul’ ni gimed pifak Abraham ma gimed ra rin’ e tin ni i rin’.

Acts 26:20

Som’on e lan yu Damaskus ngu lan yu Jerusalem, ngu lan e nug nu Judea ni polo’ ngu fithik’ e pi’in gathi yad piyu Israel, e gu machibnag riy nthingar ra kalgad ngan’rad ngar pi’ed keru’rad ko denen ni yad be rin’ ngar pigichealgad ngak Got, ngar ngongliyed e pin’en ni ir e ra m’ug riy ni kar pi’ed keru’rad ko denen ni yad be rin’.

Roma 4:16

Ere tin ni yog Got nra pi’ e ntay ni bay rogon ko mich u wun’uy ngak Got, ni fan e tin ke yog Got ni bayi pi’ e nge yan i aw nib tow’ath rok Got ngak urngin e pi’in owchen Abraham — ni gathi kemus ni pi’in yad be fol ko fare Motochiyel, machane ku errogon e pi’in ke mich Got u wun’rad ni bod rogon Abraham. Ya Abraham e chitamangidad ni gadad urngin e pi’in ke mich Got u wun’dad.

Roma 9:7

Ma ku errogon ni gathi urngin e pi’in owchen Abraham ni yad pifak Got; ya ga’ar Got ngak Abraham, “Kemus ni pi’in owchen Isak e bay ni matha’eg ngorad ni fakam.”

Filippi 1:11

Me par pangimed nriyul’ ni bfel’, ni kemus ni go’ Jesus Kristus e rayag ni nge muruwliy u fithik’ i lanin’med me yagnag ngomed, ni fan e nge gilnag buguwan Got me yin’ e sorok ngak Got.