Luke 3:14 - Bible Ni Thothup

¹⁴ Miki fith boch e salthaw ngak ni lungurad, “Ma gamad, mang e nggu rin’ed?” Me ga’ar ngorad, “Dab mu feked e salpiy rok be’ u fithik’ e yargel ma dab um t’ared e thin nga daken e girdi’; nge fel’ u wun’med puluwmed ni yibe pi’ ngomed.”

Luke 3:14 Σταυροειδείς Αναφορές

Exodus 20:16

“Dab mu t’ar e thin nga daken be’.

Exodus 23:1

“Dab mu weliyed i yan murung’agen ban’en nde riyul’, ma dab mu folgad ngak be’ nib kireb e rok ngam micheged ban’en nde riyul.

Levitikus 19:11

“Dab mu moro’ro’gad ara mu ban niged be’, ara mu lifithed l’ugunmed.

Matthew 8:5

Nap’an ni yan Jesus ngalan yu Kapernaum me yib be’ ngak nreb e tolang ko salthaw nu Roma ngeb i wenig ngak ni nge ayuweg ni ga’ar,

Luke 19:8

Me sak’iy Zakeus ngalang nge ga’ar ngak Somol, “Somol, mu tiyilim! Bay gu pi’ baley ko tin ni bay rog ban’en ngak e pi’in gafgow; ma fa’anra kug bannag be’ kug fek e tirok’, ma bay gu fulweg ngak ni aningeg yay e ke mun ngay.”

Luke 3:10

Me fith e girdi’ ngak ni lungurad, “Ere mang e nggu rin’ed?”

Luke 3:13

Me ga’ar ngorad, “Dab mu kunuyed e tax nge pag urngin ni kanog ngomed.”

Acts 10:7

Ma aram me yan fare engel ni yib i non ngak, me pining Kornelius l’agruw i tapigpig rok nge ba salthaw, ni be’ nma liyor ngak Got u wan’ ni ir bagayad fa pi’in yad ma pigpig ngak Kornelius.

Filippi 2:15

nge yag ni mpired ndariy thibngimed ma gimed bmachalbog, ma pifak Got gimed ni gimed ba yal’uw ni gimed be par u fayleng u fithik’ e girdi’ ndar yal’uwgad ma yad ba kireb. Thangri gal rama’emed u fithik’rad ni bod e t’uf ni be gal’ lanelang,

Filippi 4:11

Ma gathi gu be yog e re bugithin ney ni bochan e gu be finey ni kam paged gag ndakumur leam niged gag; ya kug fil rogon ni nge fel’ u wun’ug e tin bay rog ban’en.

Titus 2:3

Ma ku errogon ni ngamog ngak e pi’in kar puwelwolgad ni nge par pangirad ni bod yalen e pi’in ni ppin ni yad ma par nib mat’aw pangirad u mit Got. Ma thangri dab ur t’ared e thin nga daken e girdi’, ara ra pired ni kar manged sib ko wayin. Ma thingar ra filed e tin ni bfel’

Revelation 12:10

Mu gu rung’ag ba lam ni ba ga’ u lan e tharmiy ni be ga’ar, “Ke taw ngal’an ni nge thapeg Got e girdi’ ngak! Chiney e ke dag Got gelngin ni ir e Pilung! Chiney e ke dag e Messiah rok gelngin! Ya fa’anem nma egnag pi walagdad nma yib i sak’iy nga p’eowchen Got ngi i thibthibnagrad ni rran nge neap’ e ka nin’ nga wuru’ e tharmiy.