Luke 23:28 - Bible Ni Thothup

²⁸ Me changar Jesus ngorad nga tomur me ga’ar ngorad, “Ppin nu Jerusalem! Dab mu yor niged gag, ya ngam yor niged gimed nge pifakmed.

Luke 23:28 Σταυροειδείς Αναφορές

Tang Ko Pitang 1:5

Pi’in ppin nu Jerusalem, gu ba lumor machane gub pidorang, ni gub lumor ni bod e pi tent u daken e ted u Kedar, machane fel’ngig e bod e kateng ko naun rok Solomon ni tafen e pilung.

Tang Ko Pitang 2:7

Mmicheged ngog, gimed e ppin nu Jerusalem, mmicheged u daken e deer nib machreg nge gazelle ni dab mmagawon niged e adag romow.

Tang Ko Pitang 3:10

Ra reb e ren riy ma kan ing ko silber; ma nga daken e bay e mad riy ni kan nunuwnag ko gol. Ma gayul riy e ka ni upnguy ko mad ni purple, ni bfel’ ya’an e wup riy ni ngongliy e ppin nu Jerusalem.

Tang Ko Pitang 3:5

Mmicheged ngog, gimed e ppin nu Jerusalem; mmicheged u daken e deer nib machreg nge gazelle ni dab mmagawon niged e adag romow.

Tang Ko Pitang 5:16

Rib athib l’ugun ni yira kiss nag; gubin ban’en ni rarogon ma kagum’ ni bochan. Ppin nu Jerusalem, irera’ rogon e en gamareg.

Tang Ko Pitang 5:8

Mmicheged ngog, gimed e ppin nu Jerusalem, ni fa’anra mu pir’eged e en gamareg, migmed yog ngak ni kug m’ar ni gube yik’ nga chogowen.

Tang Ko Pitang 8:4

Mmicheged ngog, gimed e ppin nu Jerusalem, ni dab magawon niged e adag romow.

Luke 23:27

Ma bo’or ni bo’or e girdi’ ni lek Jesus; ni bay boch e ppin u fithik’rad ni yad be yornag ni be yan lamrad ngalang.

Luke 23:29

Ya bayi taw nga boch e rran ni bayi ga’ar e girdi’, ‘Rib fel’wa’athan e pi’in ni ppin ndar diyen gad, ma dar gargel niged e bitir, ma dar tathuth niged e bitir!’

Revelation 1:7

Mu sapgad, bay yib ngodad u daken e manileng! Ma gubin e girdi’ ni bay ra guyed, nib mu’un e pi’in nra kurfed p’eyon ngay. Ma urngin girdi’en e pi nam nu roy u fayleng e bay ra yorgad ni ba ga’ lamrad ni bochan. Rib muduwgil ni aray rogon! Amen.