Luke 23:22 - Bible Ni Thothup

²² Me yog Pilate ngorad ko yay ni gaman e dalip ngay ni ga’ar, “Be mang oloboch e ke ngongliy nrib kireb? Dawor gu pir’eg ban’en nike ngongliy ni nge mang tapgin ni ngan thang e fan rok! Ere bay gu pi’ ngan toy nge mu’ min pag.”

Luke 23:22 Σταυροειδείς Αναφορές

Luke 23:14

me ga’ar ngorad, “Kam feked e re mo’on ney i yib ngog, ma kamogned ni be yog e tin ni gathi ir ngak e girdi’. Me ere chiney e kug fith u roy u p’eowchemed, ma dawor gu pir’eg nib buch e rok ko pin’en nib kireb ni gimed be yog nib togopluw ngak.”

Luke 23:16

Bay gu pi’ ngan toy, nge mu’ min pag.”

Luke 23:20

Me Pilate e ba’adag ni nge pag Jesus, ma aram me yog fare bugithin ni ka’a yog bayay ngak fapi girdi’ ni aram urngirad nri ba ga’ laman.

Luke 23:21

Machane miyad fulweg ngak u fithik’ e tolul ni be lungurad, “Mu richibiy ko kuruth! Mu richibiy ko kuruth!”

Luke 23:23

Machane miyad par ni yad be tolulnag ngak nike musmus mam’ungun i lamrad ni be lungurad ngan richibiy Jesus ko kuruth; me munmun me mang e tin ni yad be tolulnag e ni fanay.

Luke 23:4

Ma aram me ga’ar Pilate ngak e pi tolang ko prist nge fapi girdi’ ni aram urngin, “Dawor gu pir’eg tapgin ni nggu turguy e gechig rok e re mo’on ney.”

1 Peter 1:19

racha’en Kristus ni map’ ni ba ga’ fan e ir e ke pithigmed u pangimed nib m’ayfan, ni pi’ ir ni bod ba pifak e saf ndariy bang u dow nib kireb ara ba alit.

1 Peter 3:18

Ya Kristus e ir e yim’ ni fan ko denen, nri ta’ab yay me mus, ni ir be’ nib mat’aw me yim’ ni fan ngak e girdi’ nde mat’aw, ni fan e nge yag ni fekmed i yan ngak Got. Ya nli’ ngem’ e dowef rok, machane min faseg ni dabki yim’;