Luke 22:56 - Bible Ni Thothup

⁵⁶ Ma fa’ani guy reb fapi bpin ni tapigpig Peter nike par u rom nga but’ u to’oben e nifiy, me changar ngak me ga’ar, “Ku errogon e re mo’on ney ni i un ngak!”

Luke 22:56 Σταυροειδείς Αναφορές

Matthew 26:69

Ke par Peter nga but’ u lan e yoror, me yib bagyad fapi ppin ni tapigpig rok fare Prist ni Th’abi Ga’ ngak me ga’ar, “Ku errogon gur ni um cheag ngak Jesus nu Galile.”

Mark 14:17

Ma nap’an ni aw e lumor me yib Jesus ni yad fa ragag nge l’agruw i gachalpen.

Mark 14:6

Machane me ga’ar Jesus, “Mu digeyed e cha’nir! Mangfan ni gimed be kirebnag laniyan’? Ya n’en nike rin’ e cha’nir ngog e rib fel’.

Mark 8:25

Me tay Jesus pa’ nruw raba’ bayay nga daken lan mit facha’. Me changar fa’anem nike uthum e changar rok, me sul e changar rok ngarogon, me guy gubin ban’en nike motabgol u owchen.

Luke 22:55

Ma bay ba nifiy ni kan ko’reg u lulukngun lan e yoror, me yan i ma’athuk Peter nga fithik’ e pi’in kar longobiyed ni kar pired nga but’.

Luke 22:57

Machane me mithag Peter ni aram rogon ni ga’ar, “Bpin, i mus nga owchen ma da gu nang!”

John 18:17

Me ga’ar fare rugod nib sak’iy u baraba’ i langan e garog ngak Peter, “Gathi ku gur reb i gachalpen e re mo’on nem?” Me fulweg Peter ni ga’ar, “Gathi gag.”