Luke 22:50 - Bible Ni Thothup

⁵⁰ Me toy bagayad e sib rok fare Prist ni Th’abi Ga’ nge luf e ba’ ni mat’aw i yuwan tel.

Luke 22:50 Σταυροειδείς Αναφορές

Mark 14:47

Ma bay bagayad fa pi’in yad ba sak’iy u to’oben Jesus ni girengiy e saydon rok nge toy ngak e sib rok fare Prist ni Th’abi Ga’ nge luf yuwan tel.

Luke 22:49

Ma fa’ani guy e tin ni gachalpen Jesus ni yad bay rok ni aram rogon e n’en ni ngan rin’, me lungurad, “Somol, rayag ni gu li’ed yad ko saydon romad fa?”

Luke 22:51

Me fulweg Jesus ni ga’ar, “Ke yag!” Me math Jesus nga yuwan tel fa’anem nge faseg.

Roma 12:19

Pi tafager rog, dab mu fulweged ngak be’ taban e kireb ni rin’ ngomed, machane ngam paged fan ko damumuw rok Got nge mang ir e rin’. Ya be yog e babyor nib thothup ni be ga’ar, “Be ga’ar Somol, ke milfan ngog, ni gag e bay gu fulweg taban e kireb.”

2 Korinth 10:4

Talin e cham ni gamad be maruwel ngay ko cham ni gamad be tay e gathi talin e cham nu roy u fayleng, ya talin e cham nib yargel ni yib rok Got, ni ir e ngan kirebnag ngay yungi n’en nike fal’eg e mo’onyan’ rogon ke par riy be cham ngodad. Gamad be kirebnag e thin nde riyul’ ni be togopluwnag e girdi’ ngak Got;