Luke 22:35 - Bible Ni Thothup

³⁵ Me ga’ar Jesus ngorad, “Fare ngiyal’ i n’en ni gu l’oegmed ngu’um marod i yan nda mfeked tafen e salpiy, nge tutuw, ara sus, e bay ban’en ni m’ay romed fa?” Miyad fulweg ngak ni lungurad, “Dariy ban’en ni m’ay romed.”

Luke 22:35 Σταυροειδείς Αναφορές

Genesis 48:15

Ma aram me fal’eg wa’athan Josef ni ga’ar: “I Got e ngi i fal’eg wa’athan e gali pagel ney, ni fare Got ni i par e chitamag i Abraham nge Isak u p’eowchen. I Got, ni i pow’iyeg i yib ke mada’ ko bin daba’ e rran e ngi i fal’eg wa’athrow.

1 Kings 11:22

Me fith fare pilung, ni ga’ar, “Ni mangfan? Mog, kabay ban’en ndawori yag ni gu pi’ ngom? Ere aram fan ni ga ba’adag ni ngam sul nga tafnam?” Me fulweg Hadad lungun fare pilung, ni ga’ar, “Kemus ni ngam pageg nggu wan.” Ma aram me sul ko nam rok.

Psalms 23:1

I SOMOL e be gafaliyeg ni bod ba tagafaliy e saf; dakuriy ban’en ngabang ni nge yag ngog.

Psalms 37:3

Um par ni SOMOL e ke pagan’um ngak ma ga rin’ e tin ni bfel’; mu’um par u daken e nam rom u fithik’ e gapas.

Luke 10:4

Dab mu feked tafen e salpiy, ara tutuw nma fek e pi’in nma man ban’en, ara sus; ma dab mu talgad ni ngam fingichiyed be’ u daken e kanawo’.

Luke 22:34

Me fulweg Jesus ni ga’ar, “Peter, nggog ngom ndabki chochol e nimen e daba’ ma fini ngiyal’ nra gaman e dalip yay ngay ni kamog nda mu nangeg e aram e ra chochol e nimen.”

Luke 22:36

Me ga’ar Jesus, “Machane chiney e en ni bay tafen e salpiy rok ara ba tutuw e thangri fek; ma en ndariy e saydon rok e thangri pi’ wuru’ e mad rok ni chuway’ nge fek e salpiy riy nge chuw’iy reb ngay.

Luke 9:3

Me ga’ar ngorad, “Dariy ban’en ni ngam feked ngam marod: dab mu feked e sog, dab mu feked e tutuw nma fek e pi’in nma man ban’en, nge ggan, nge salpiy, ni mus nga reb e kenggin e mad ni ngu’um thiliyeged ko bin ni bay u dakenmed ma dab mu feked.

2 Korinth 8:15

Ni bod ni be yog e babyor nib thothup ni be ga’ar, “Cha’ ni pire’ e kunuy e de pag rogon e tin ni yag ngak, ma cha’ ni bochu’uw e kunuy e de pag feni lich e tin ni bay rok.”

Deuteronomy 8:16

u rom u daken e ted e pi’ e manna ngu’um ked, ni ba ggan ndawori kay e chitamangimed ni kakrom bi’id. I pi’ bogi n’en nib mo’maw’ nge yib ngomed ni nge sikeng nagmed, ya nge yan i tomur me yu’nag e tin bfel’ ngomed.