Luke 22:33 - Bible Ni Thothup

³³ Me fulweg Peter ni ga’ar, “Somol, kem’ay i duwgiliy rog u lanin’ug ni nggu un ngom nga kalbus mu gu un ngom ko yam’.”

Luke 22:33 Σταυροειδείς Αναφορές

Proverbs 28:26

De fel’ ni ngam lek tabon lanin’um. Mu fol ko pi fonow rok e pi’in yad ba gonop ma ga par ni dabi buch ban’en rom.

Jeremiah 10:23

SOMOL, gu manang ni dariy bagmad ni ir e ga’ ko gin nge sor e yafos rok ngay; dariy be’ ni bay gafan e yafos rok u pa’.

Jeremiah 17:9

“Mini’ e rayag ni nge nangfan lanyan’ e girdi’? Dakriy yug reb e ban’en ni aram feni sasaliyab; ke pag rogon feni m’ar ni dabki gol.

Matthew 20:22

Me fulweg Jesus ngorow ni ga’ar, “Da mu nangew e n’en ni gimew be wenignag. Rayag romew ni ngam unumew e n’en ni bay ko fare kap nike chugur ni nggu unum?” Miyow fulweg ni lungurow, “Rayag romew.”

Mark 14:29

Me fulweg Peter ngak Jesus ni ga’ar, “Ra pagem e pi cha’ney ni yad gubin, mi gag e ri dab gu pagem!”

Mark 14:31

Me fulweg Peter ni kari micheg ni be ga’ar, “Mus ni fa’anra nggu un ngom ko yam’, ma ri dab gog nda gu nangem!” Ma urngin pi gachalpen Jesus nrogned ni aram rogon.

Luke 22:34

Me fulweg Jesus ni ga’ar, “Peter, nggog ngom ndabki chochol e nimen e daba’ ma fini ngiyal’ nra gaman e dalip yay ngay ni kamog nda mu nangeg e aram e ra chochol e nimen.”

Luke 22:57

Machane me mithag Peter ni aram rogon ni ga’ar, “Bpin, i mus nga owchen ma da gu nang!”

John 13:38

Me fulweg Jesus ni ga’ar, “Rayag ni mpi’ e pogofan rom ni fan ngog? Nggog e tin riyul’ ngom: ra dawori chochol e nimen ma dalip yay ni bay mog nda mu nangeg.”

Acts 21:13

Machane me fulweg ni ga’ar, “Mang e kam rin’ed ni gimed be yor gimed be kirebnag an’ug? Kug fal’eg rogog ni gathi kemus ni ngan m’ageg u Jerusalem machane mus ni nggum’ ni fan ngak Somol Jesus.”