Luke 22:30 - Bible Ni Thothup

³⁰ Bay mu uned ngog ko abich nge garbod u tebel rog ko gin nsuwog, ma bay mpired nga tagil’ e pilung ngam gagiyeg niged fa ragag nge l’agruw i ganong nu Israel.”

Luke 22:30 Σταυροειδείς Αναφορές

2 Samuel 19:28

Ya urngin girdi’en e tabinaw rok e chitamag e ba’ tapgin ni ngam li’rad ngarm’ad, machane gur e mpi’ mat’awug ni ngu’ug un ngom ko abich u tebel rom. Dariy mat’wug ni ngku gu wenignag ban’en ngom ni ngam rin’ ngog.”

Psalms 49:14

Ke m’ay i turguy ni ngarm’ad ni bod e saf, ma yam’ e ir e bayi mil farad ngak. Ma pi’in nib mmat’aw e yad ra gel ngorad, ma be par dowrad ni be wod ko gin ni kan k’eyagrad riy nib orel ko tabinaw rorad!

Matthew 19:28

Me ga’ar Jesus ngorad, “Ba’aray bbugithin ni nggog ngomed: ngiyal’ nra par e en ni Fak e Girdi’ riy nga tagil’ u tafen e fla’ab ko bin nib be’ech e tamilang ni bay yib, e ku errogon ni aram e gimed e re ragag nge l’agruw i girdi’ rog nir e bay kum pired nga tagil’med ni ngam gagiyeg niged fa ragag nge l’agruw i ganong nu Israel.

Matthew 5:3

“Nge felan’ e pi’in kar pir’eged u lanin’rad ni kar gafgowgad ndabisiy ni nge yag Got ngorad, ya gagiyeg nu tharmiy e ke thap ngorad!

Matthew 8:11

Mu ted fanmediyan ko re bugithin ney! Bo’or e girdi’ ni bay rabad u lan e ngek ngu lan e ngal ngar uned ngak Abraham, nge Isak, nge Jakob ko par nga tebel ko gin nsuwon Got u tharmiy.

Luke 12:37

Ri ra felfelan’ e pi tapigpig nem ni sul e masta rorad me pir’egrad ni yad be od ni kar fal’eged rogorad! Nggog ngomed ni ra chichi’iy e luod rok ni aram e ke fal’eg rogon ni nge pigpig ngorad, me yog ngorad ngar pired nga tebel, me mang ir e i yibnag e ggan ngorad.

Luke 14:15

Ma bay bagayad fapi pumo’on u tebel ni rung’ag e re bugithin ney me ga’ar ngak Jesus, “Ri bayi felan’ e pi’in bay ra pired nga tebel ko gin nsuwon Got!”

2 Timothy 2:12

Ma fa’anra ud k’adan’dad i yan, ma ku errogon ni gadad ra un ngak ko gagiyeg, ma fa’anra dogned nda da nanged ir, ma ku errogon ir nra yog nde nangdad.

James 1:1

Re babyor ney e yib rok James, ni ir reb e tapigpig rok Got nge Somol i Jesus Kristus: Nge felan’ Got ngak urngin e girdi’ rok ni yad ba wear u daken e re fayleng ney ni polo’.

Revelation 19:9

Ma aram me ga’ar fare engel ngog, “Mu yoloy e bin ba’aray: Ke felfelan’ e pi’in ni kan piningrad ko fare madnom ko mabgol rok fare Fak e Saf.” Me ul ul fare engel ngay me ga’ar, “Pin’ey e ireray fapi thin rok Got nib riyul’.”

Revelation 3:21

Pi’in yad ra gel ndar paged yad ko kireb e gu ra pi’ mat’awrad ni ngar pired nga but’ u to’obeg u tagil’ig, ni bod rogon ni kug gel ngak e kireb, me ere chiney e kug par nga but’ u to’oben e Chitamag u tagil’.

Revelation 4:4

Ma bay rliw’ nge aningeg i tagil’iy nib liyeg tagil’ fa’anem, nike par rliw’ nge aningeg e pi’in pi’ilal nga daken ni kron’ed e mad nib wechwech, ma kar te’eliyawgad ko te’eliyaw ni gol.