Luke 22:17 - Bible Ni Thothup

¹⁷ Me fek Jesus fare kap, me pining e magaer riy ngak Got me ga’ar, “Mfeked e re kap ney nge bigimed me unum ba gaf e n’en ni bay riy;

Luke 22:17 Σταυροειδείς Αναφορές

Psalms 116:13

Bay gu chibiy ngalang fare kap ni fan ko mat’aw ngak mu gu pining fithingan SOMOL,

Psalms 23:5

Ga ma ngongliy e mur ni fan ngog ko gin ra guyeg urngin e pi to’ogor rog riy; ga ma gapgep nigeg ya ga ma felan’ ngog ni ku gub, ga ma suguy e kap rog nge mada’ nga marichlen.

Jeremiah 16:7

Dariy be’ nra’ un ngak be’ nike yim’ be’ nib t’uf rok ko abich fa garbad ni bochan e nge fal’eg lanyan fa’anem. Mus ngak be’ nike yim’ e chitamngin fa chitiningin ma dariy be’ nra dag e magfan’ rok ngak.

Matthew 14:19

Me yog ko fapi girdi’ ni ngar pired nga but’ nga daken e pan; me fek fa lal yal’ i flowa nge fa gali nig, me sap ngalang, me pining e magaer riy ngak Got. Mi i t’et’ar fa yu yal’ i flowa ngi i pi’ ngak pi gachalpen, me pi’ pi gachalpen ngak fapi girdi’.

Matthew 15:36

Me fek fa medlip yal’ i flowa nge fapi nig, me pining e magaer riy ngak Got, me t’et’ar nge pi’ ngak pi gachalpen, me pi’ pi gachalpen ngak fapi girdi’.

Matthew 26:26

Ma nap’an ni yad be abich, me fek Jesus e flowa, me pining e magaer riy ngak Got, me t’et’ar, me pi’ ngak pi gachalpen me ga’ar, “Mfeked ngam ked; ya ireray dowag.”

Mark 14:22

Ma nap’an ni yad be abich me fek Jesus e flowa, me pining e magaer riy ngak Got, me t’et’ar, me pi’ ngak pi gachalpen me ga’ar, “Mfeked, ya ireray dowag.”

Luke 22:19

Ma aram me fek fare flowa, me pining e magaer riy ngak Got, me t’ar nge pi’ ngorad ni be ga’ar, “Ireray dowag, ni kan pi’ ni bochmed. Um rin’ed e ren’ey ngi i pugurag ngomed.”

Luke 9:16

Me fek Jesus fa lal yal’ i flowa nge fa gali nig, me sap ngalang, me pining e magaer riy ngak Got, mi i t’et’ar fa yu yal’ i flowa ngi i pi’ ngak pi gachalpen ngu’ur f’othed ko girdi’.

Roma 14:6

En ni bay reb e rran ni ir e ba ga’ fan u wan’ e be rin’ ni aram e be tayfan Somol; ma en ndemturug e n’en nma un i kay e be rin’ ni aram e be tayfan Somol, ya ma pining e magaer ngak Got ko ggan nma kay. En nra tel ir ni nge kay bmit e ban’en e nge rin’ ni aram rogon ni aram e be tayfan Somol, mra pining e magaer ngak Got.

1 Korinth 10:16

Fare kap nma fel’ rogodad riy ni ir e gadad ma pining e magaer riy ngak Got: gathi ra bagadad ma be fek e f’oth rok u racha’en Kristus ko ngiyal’ ni kad unumed ban’en ko re kap nem? Ma fare flowa ni gadad be t’ar: gathi ra bagadad ma be fek e f’oth rok u downgin Kristus ko ngiyal’ ni gadad ra kay fare flowa?

1 Korinth 11:23

Ya tin kug weliy ngomed e yag ngog rok Somol ni fa’ani lungug: ye Somol Jesus, ko re neap’ nni yagnag, e fek e flowa,

Deuteronomy 8:10

Bay um pired u rom nib yu’ ngomed urngin e tin ngam ked, ma bay um pininged e magaer ngak SOMOL ni Got romed ni bochan e re nam nem nike pi’ ngomed nib yong’ol e but’ riy.

1 Samuel 9:13

Yig gimew ra yan ngalan binaw mi gimew pir’eg ndawori yan nga daken e burey ni nge abich. Dabiyag ni nge abich e girdi’ ni fa’anra dawori taw ngaram, ya som’on e nge fal’eg wa’athan e re maligach nem; nge mu’ mfini abich e pi’in ni ka ni piningrad ni ngarbad. Marow nga talang e chiney, ma gimew ra mada’nag.”