Luke 20:22 - Bible Ni Thothup

²² Mog ngomad, gur ba togopluw ko Motochiyel rodad ni ngad pi’ed e tax ngak e Emperor nu Roma fa danga’?”

Luke 20:22 Σταυροειδείς Αναφορές

Ezra 4:13

I gur emperor, fa’an yira ngongliy bayay e re binaw ney min mu’nag fa yung i rungrung riy, me tal e girdi’ i pi e tax, mra buchu’uw e salpiy u lan e chubgil rom.

Ezra 9:7

Ka nap’an e pi ga’ romad nge mada’ ko chiney, ma gamad, ni girdi’ rom, e kug denengad nib tinowey. Bochan e pi denen romad ma aram e ke mul e pilung nge prist romad ngalan pa’ e pi pilung nu boch e nam, ma yibe li’mad ko saydon, ma yibe moro’ro’ romad, ma yibe fekmad ni kalbus nga wuru’ e nam romad. Kari m’ay famad, ni ku er rogmad e daba’.

Nehemiah 5:4

Ma ku bochi yad e ga’ar, “Gamad e kug ninged e salpiy ni kagmad ra sulweg ni bochan e nggu pi’ed e tax ko yungi milay’ nge woldug romad ni grape ngak e en pilung.

Nehemiah 9:37

Yong’olen fare but’ e be yan ngak e pi pilung ni kam taymad nga tan pa’rad ni bochan e gu denengad. Tin yad be finey e yad be rin’ ngomad nge garbaw romad, ma gamad be par u fithik’ e kireban’ nib gel!”

Matthew 17:25

Me fulweg Peter ni ga’ar, “Ma pi’.” Ma fa’ani yan Peter ngalan e naun, me non Jesus nsom’on ni ga’ar, “Simon, uw rogon ni ga be finey? Mini’ e ma pi’ e tax ko chugum fa tax ko pi pilung nu roy u fayleng? Girdi’en e nam fa girdi’ ni yib u bang ko fare nam?”

Luke 20:21

Me yan i ga’ar e pi girdi’ nem ngak Jesus, “Tamchib, gamad manang ni tin ni ga be yog ma ga be machibnag e bmat’aw. Gamad manang ni ta’reb rogon e girdi’ ni gubin u wun’um, ma ga be fil e tin riyul’ ni murung’agen e tin nib m’agan’ Got ngay ni ir e nge rin’ e girdi’.

Luke 20:23

Me nang Jesus e ban rorad me ga’ar ngorad,

Luke 23:2

ni aram e gin nra tababgad i togopluwnag e thin ngak ni be lungurad, “Kug pir’eged e re mo’on ney ni be yog e tin ni gathi ir ngak e girdi’ romad, be yog ngorad ni dab ra pi’ed e tax ngak e Emperor nu Roma ma be yog ni ir Kristus, ni ir ba pilung.”

Acts 5:37

Tomuren e biney me yib Judas ni be’ u Galile ko fa ngiyal’nem nnap’an e matha’eg girdi’; ma ku errogon ir ni bo’or e girdi’ ni cheag ngak, machane mu kun li’ ngem’ me wear urngin e girdi’ ni i un ngak.

Roma 13:7

Ere mpi’ed e salpiy ni ngam pi’ed ngorad, ni urngin e tax ni yima pi’, mi gimed liyor ngorad mi gimed tay farad ni yad gubin.

Deuteronomy 17:15

Dabisiy nre mo’on ni ngam mel’egned ni nge mang pilung e ir e cha nike mel’eg SOMOL. Dab mu ted ba milekag ni nge mang pilung romed; dabisiy ni kabigmed.