Luke 2:34 - Bible Ni Thothup

³⁴ Me yibiliyrow Simeon ngak Got me ga’ar ngak Maria, ni chitiningin fachi tir, “Re tir ney e Got e ke duwgiliy ni ir e bo’or e girdi’ nu Israel ni nge mul ni bochan, ma bo’or e nge thap ngak Got; me ir e bayi mang ba pow ni yib rok Got ni bo’or e girdi’ ni bayi non nib togopluw ngay,

Luke 2:34 Σταυροειδείς Αναφορές

Genesis 14:19

me yibilay ni ba’aray e thin ni yog, “I Got ni Th’abi Tolang, me ir e ngongliy e tharmiy nge but’, e nge fal’eg wa’athan Abram.

Genesis 47:7

Me fek Josef Jakob ni chitamngin i yib ngak Farao. Me yibilay Jakob Farao ngak Got.

Exodus 39:43

Me fal’eg Moses i yaliy gubin fa pin’em ni kar ngongliyed me guy ni kar ngongliyed ni karikan rogon ni yog SOMOL. Ma aram me fal’eg Moses wa’athrad.

Isaiah 8:18

Gu ba’aray nge pi bitir ni SOMOL e ke pi’ ngog. I SOMOL ni Gubin ma Rayag Rok ni bay tagil’ ko Burey ni Zion e ke l’oegmad ni nggu manged tamal’og rok nib fos ngak e girdi’ nu Israel.

Hosea 14:9

Pi’in yad ba gonop e mang e yugur nanged fan e pin’ey ni ka ni yoloy miyad tay nga lanin’rad. Pi kanawo’ rok SOMOL e bmat’aw, ma pi’in nib mat’aw e yad ma yan riy, ma pi’in tadenen e ma tun ayrad ngar dol’gad, ya darir folgad riy.

Matthew 11:19

Me yib e en ni Fak e Girdi’, mi i abich ma be garbod me ga’ar e girdi’ ni gubin, ‘Mu guyed e re mo’on ney! I ir be’ nib ta’abich mma unum e wayin, me ir e fager rok e pi’in tamukun tax nge pi’in ndabuy dakenrad ni yad ba thiyar u lan binaw!’ Machane gonop rok Got e ke gagyal nib riyul’, ko tin ke yib i m’ug riy.”

Matthew 12:46

Ka be non Jesus ngak fapi girdi’ me taw e chitiningin nge pi walagen. Miyad sak’iy u wuru’ e naun, miyad yog ni yad ba’adag ni ngar nonod Jesus.

Matthew 21:44

Matthew 27:63

me lungurad, “Keb ngan’mad nnap’an ni kabfos fare talifith l’ugun me ga’ar, ‘Ra gaman dalip e rran mi ni fasegeg ko yam’.’

Luke 2:35

ma aram me dag e leam rorad nib mith ngan nang. Ma taganan’ ni bod feni m’uth ba saydon e bayi kirebnag lanin’um.”

John 3:20

Ya en nma rin’ e tin nib kireb e fanenikan fare tamilang ma dabi yib ko fare tamilang, ya dabun ngongolen nib kireb ni nge m’ug.

John 5:18

Re bugithin ney ni yog e aram fan me duwgiliy e pi tolang ko Jew ni ngar thanged e fan rok; ya gathi kemus ni motochiyel ko Sabbath e ke th’ab, machane ku errogon nike yog ni Got e Chitamngin, ni aram e ke ta’reb rogonnag ir ngak Got.

Acts 13:45

Ma fa’ani guy piyu Israel fapi girdi’ ni aram urngirad, me yib e awan’ ngorad; miyad non nib togopluw ko thin ni be yog Paul miyad yog e thin nib kireb ngak.

Acts 17:6

Ma nap’an ndar pir’eged yow, miyad girengiy Jason nge ku boch i walagey ni girdi’en Kristus i yan ngak e pi’in yad be yog e thin u lan binaw, miyad non ni ba ga’ lungurad ni be lungurad, “Pi girdi’ ney e kar k’aringed e wagey u gubin yang! Ma chiney e karbad ko binaw rodad,

Acts 24:5

Kug pir’eged e re mo’on ney ni be magawonnag e girdi’; ke k’aring e wagey u fithik’ piyu Israel i yan u gubin yang u fayleng, me ir e be yog e thin ko fare raba’ i girdi’ ni Nazarene.

Acts 28:22

Machane gamad ba’adag ni nggu rung’aged rom e tin ni ir e ga be leamnag, ya gamad manang ni urngin yang ma be non e girdi’ riy nib togopluw ko re raba’ i girdi’ nem ni gab mu’un ngay.”

Acts 4:26

Pi pilung nu fayleng e ra fal’eged rogorad, ma pi’in yad be yog e thin e ra mu’ulunggad ngar puruy’gad nib togopluw ngak Somol nge fare Messiah rok.’

Acts 6:7

Ma aram mi i wear e thin rok Got i yan. Ma be yo’or pi gachalpen Jesus i yan, ma bo’or e prist ni pig lanin’rad nge mich Jesus u wun’rad.

Roma 9:32

Ni mangfan? Ni bochan e n’en nrin’ed e dar toer gad ko mich ni nge mich Jesus Kristus u wun’uy machane ra toer gad ko ngongol rorad. Ke tun ayrad ko fare malang ni “malangen e tun ay”

1 Korinth 1:23

Ma gadad e gadad be weliy murung’agen Kristus nni kuruthnag, ni bbugithin ndabun piyu Israel ma thin ko balyang u wan’ e pi’in gathi yad piyu Israel;

Hebrews 7:1

Cha’ney i Melkizedek e immoy ni ir e pilung nu Salem me ir e prist rok Got ni th’abi tolang. Nap’an ni be sul Abraham nike mu’ ko mael ni ir e li’ fapi pilung riy, me yib Melkizedek i guy me yibilay Melkizedek Abraham ngak Got ni nge fal’eg Got wa’athan.

Hebrews 7:7

Rib muduwgil ni en ni yibilay be’ e ba ga’ ngak fa’anem nike yibilay.

1 Peter 4:14

Mu felfelan’gad ni fa’anra nog e thin nib kireb ngomed ni fan e gimed girdi’en Kristus; ya ra errogon ma fare Kan nib sorok ni aram fare Kan Nthothup rok Got e ke yib nga dakenmed.

1 Samuel 2:20

Ma aram me yibilay Eli Elkanah nge le’engin me ga’ar ngak Elkanah, “Mang e yigi pi’ SOMOL boch e bitir ngom ni re pin ney e nge diyen nagrad ngranod nga luwan e bin ni kam pi’ew ngak.” Me mu’ ma aram miyow sul nga tabnaw.