Luke 19:4 - Bible Ni Thothup

⁴ Ma aram me mil nge yan i m’on rok fapi girdi’ ni pire’ me yan nga l’ugun ba ke gek’iy ni sycamore ni fan e nge yag ni guy Jesus ni bay yib nge yan ko gin’em.

Luke 19:4 Σταυροειδείς Αναφορές

1 Kings 10:27

Ngiyal’ ni ba’aram ni i gagiyeg e i par e silber ni ta’reb rogon ko malang u wan’ e girdi’ nu Jerusalem, ma ren ni cedar e pire’ ni bod feni yo’or e ren ni sycamore.

2 Kronicles 1:15

Nap’an e gagiyeg rok ma silber nge gol e ri yo’or u Jerusalem nike bod e malang u but’, nge gek’iy ni cedar ni ki yo’or nge bod e gek’iy ni sycamore u enggin e burey.

2 Kronicles 9:27

Nap’an ni ir e be gagiyeg ma silber u lan yu Jerusalem e ke bod feni mom i pir’eg e malang, ma gek’iy ni cedar e ri yo’or nge bod e yug gek’iy ni sycamore u enggin e pi burey nu Judah.

Psalms 78:47

Me thang owchen e woldug rorad ni grape ko ayis nma mul mul ni bod e malang me li’ e gek’iy ni fig rorad ko ayis nike el.

Isaiah 9:10

“Naun ni rengga e ke puth nga but’, machane bay gu toyed bayay e pi naun nem ko malang. Ren ko sycamore e ka ni th’ab nga but’, machane bay gon’ed luwan ni tin th’abi fel’ e gek’iy ni cedar.”

Amos 7:14

Me fulweg Amos ni ga’ar, “Gathi gag e mitin be’er e profet nma yi’iy ni ngan pi’ puluwon. Gu ma gafaliy e gamanman ma gu ma ayuweg yungi woldug ni gek’iy ni fig.

Luke 17:6

Me fulweg Somol ni ga’ar, “Fa’anra bay e michan’ romed ngak Got ni bod ga’ngin ba awochngin e mustard, mrayag ni nge lungumed ko re ke gek’iy ney ni mulberry, ‘Mpuw ngalang ngam man mu tugul nga maday!’ mra rin’ e tin kamogned.”

Luke 19:3

ni be guy rogon ni nge guy ko mini’ Jesus, machane re mo’on nem e be’ nib ngoch, ndabiyag ni nge guy Jesus ni bochan e pi girdi’ ni ba’aram nib pire’.

Luke 19:5

Ma fa’ani yib Jesus ko re gin’em me sap ngalang me ga’ar ngak Zakeus, “Zakeus, mu gur nigem ngam luw nga but’, ya thingar gu par u tabinaw rom e daba’.”

Luke 5:19

Ma dar pir’eged rogon ni ngar feked i yan nga naun, ni bochan fapi girdi’ ni aram urngin. Ma aram miyad fek i yan nga daken e chigiy, miyad chabliy bang riy, miyad nguchuruy i yib nga but’ nga fithik’ e girdi’ nga p’eowchen Jesus ni kabay u daken fare wormel.