Luke 19:20 - Bible Ni Thothup

²⁰ Me yib bagayad fapi tapigpig me ga’ar, ‘Ba’aray fare salpiy rom ni gol; gu mithag ngalan bangi mad.

Luke 19:20 Σταυροειδείς Αναφορές

Matthew 25:24

Me yib fa binem e tapigpig nni pi’ ta’reb e biyu’ e salpiy ni wasey ngak me ga’ar, ‘Gu manang ni gur reb e girdi’ ndamur runguy be’: ga ma t’ar wom’ngin e woldug ni gathi gur e mu yung, ma ga ma kunuy e ggan ko gin nda mwereg awochngin e woldug riy.

Luke 19:13

Ma dawori yan me kunuy e tapigpig rok ni yad ragag, me bagayad me pi’ reb e salpiy ni gol ngak, me ga’ar ngorad, Mu guyed rogon ngam maruwelgad ko chi salpiy ney ngam thog niged e salpiy riy ko ngiyal’ nda kug moy romad.

Luke 19:19

Me ga’ar ngak fa’anem, ‘I gur e lal e binaw e nge milfan ngom ngu’um gagiyegnag.’

Luke 19:21

Ug tamdag ngom, ni bochan e gur be’ ndamur runguy be’. Ya ga ma fek e tin ni gathi tirom ban’en, ma ga ma fek e tin ni gathi gur e mu yung.’

Luke 3:9

Ya tow e kan fal’eg rogon ke par ni nge th’ab e gek’iy u lik’ngin; ni gubin kaen e gek’iy nder yib wom’ngin ni bfel’ e bay nth’ab nganin’ nga mit e nifiy.”

Luke 6:46

“Mangfan ni gimed be piningeg ni be lungumed Somol, Somol, ma damur rin’ed e tin ni gu be yog ngomed?

John 11:44

Me yib fare yam’ nga waen, ni kan ing pa’ nruw raba’ nge ay ko mad ko gum’eyag, ma ka ni bachiy bangi mad nga owchen. Me yog Jesus ngorad ni ga’ar, “Mpithiged e mad u downgin nge yan.”

John 20:7

ma fa gi mad nni bachiy nga lolugen Jesus e de moy u fithik’ fapi mad nib wechwech, ya kan bachiy e gi mad nem kan tay ngabang ni go ir.

James 4:17

Ere cha’ nde rin’ e tin ni bfel’ ni manang nsusun e ir e nge rin’ e ba kireb e rok, ni aram e ke denen.