Luke 18:5 - Bible Ni Thothup

⁵ machane nggu pi’ mat’wun e re pin ney ni bochan e yugu be yib i magawon ngog; ya fa’anra dangay ma yugu bay i sul ma ke chalbag ngak!’ ”

Luke 18:5 Σταυροειδείς Αναφορές

Nehemiah 6:4

Aningeg yay nra pi’ew e thin ngog ni nggu mada’gad, mra taw bayay e mulwol rorow ma ta’ab fulweg e ug pi’.

Matthew 15:23

Machane de yog Jesus ta’ab bugithin ngak. Me yib pi gachalpen ngak ni yad be wenig ngak ni be lungurad, “Mog ngak e re pin nir nge yan; ya yugu be lekdad nike mada’ laman ngalang!”

Luke 11:8

Ere uw rogon? Nggog ngomed ni fa’anra dabi suwon nge pi’ e flowa ngom ni gimew fager, machane ra suwon nge pi’ urngin ban’en ngom ni kam ning ya da mu tamra’ ni mpar ngu’um wenig ngak.

Luke 18:3

Ma bay be’ ni bpin nike yim’ e pumo’on rok u lan e re binaw nem ni yugu be sul ngak fare tapuf oloboch ngi i wenignag mat’wun ngak ni be ga’ar, ‘Mu ayuwegneg rok e to’ogor rog!’

Luke 18:39

Ma pi’in yad bay ngam’on e ra puwan’gad ngak miyad yog ngak ni nge th’ab gulungan. Machane fin aram e tolul ni kari ga’nag laman ni be ga’ar, “Fak David! Mu runguyeg!”

1 Korinth 9:27

Kug gelnag dowag ko tug ni be aw ngay ke yan i par ni be fol rog, ni fan e nge dab nn’igeg u tomuren ni kug pining boch e girdi’ ni ngar uned ko re gosgos nem.

Judges 16:16

Me par ngi i me’eryag ngak ni gubin e rran. Me chelban nge ngochan’ Samson ngak ni yigu be me’eryag ngak.