Luke 17:26 - Bible Ni Thothup

²⁶ Rogon e re ngiyal’ i n’en ni ba’aram nnap’an Noah e ra aram rogon ko pi rran rok e en ni Fak e Girdi’.

Luke 17:26 Σταυροειδείς Αναφορές

Genesis 6:5

Fa’ani guy SOMOL ni kari gel e kireb rok e girdi’ u gubin yang, ni gubin ngiyal’ ma ba sug lanin’rad ko tin nib kireb,

Genesis 6:7

Me ga’ar, “Bay gu thang owchen urngin e girdi’ ni kug sunumeg, ndemturug e gin’en ni yad bay riy. Ma bay kug thang owchen urngin e gamanman nge urngin e arche’, ya kug kolngan’ug ni kug sunumegrad.”

Genesis 6:8

Machane SOMOL e bfel’ Noah u wan’.

Isaiah 22:13

Machane mu rin’ed nib thil, ya um garusgad ma gimed be madnom. Ma gimed be li’e saf nge garbaw ni ngan languy, ma yibe unum e wayin. Me lungmed, ‘Kabfel’ ni ngu’ud abichgad ma gadad be garbad! Ya bayi gabul ma kadm’ad.

Luke 17:22

Me ga’ar ngak pi gachalpen, “Bayi taw nga ba ngiyal’ ni bay mfineyed ni manga yugu mu guyed ta’reb e rran ko pi rran rok e en ni Fak e Girdi’, machane dabiyag ni mu guyed.

Luke 17:24

Ya rogon e uluch nma mat u baraba’ e lang nge yan nga baraba’, e aram rogon e n’en nra rin’ e en ni Fak e Girdi’ ko chirofen ni ir e rran rok.

Luke 17:27

Un par ni yibe abich ma yibe garbod, ma be mabgol e pumo’on nge ppin nge yan i mada’ ko re rran ni ba’aram ni yan Noah riy ngalan fare ark me yib e ran i tharey e binaw nge li’rad ni yad gubin.

Luke 17:7

“Susun e aray rogon ma bay bigimed ni bay ba tapigpig rok ni be gi’ e but’ ma be gafaliy e saf. Ma gur fa’anra sul u milay’, mra lungum ngak mu gur nigem ngam abich?

Luke 18:8

Nggog ngomed nra turguy ni nge ayuwegrad me rin’ nib papey. Machane ra sul e en ni Fak e Girdi’ ma gur ra pir’eg e girdi’ nu fayleng ni yad be par ni kab michan’rad ngak?”

Hebrews 11:7

Michan’ rok Noah ngak Got e ir e ayuweg Noah nge motoyil ko tin ni yog Got ngak ni murung’agen e pin’en ni bayi taw, ni bogi ban’en ndabiyag ni nge guy Noah e ngiyal’nem. Me fol ko tin keyog Got ngak ni nge rin’, me toy fare barkow ni ark fithingan, ni re ark nem e ir e faseg Noah nge girdi’ nu tabinaw rok. Ireray kanawo’en me gagiyelnag nib kireb e rok e girdi’ nu fayleng, me yag ngak Noah mat’awuy nma pi’ Got ngak e girdi’ u daken e michan’ rorad ngak.

2 Peter 2:5

I Got e de pag e pi’in kakrom nde gechig nagrad, ya pag e ran nge tharey e nam ni tafen e girdi’ ni kireb; ma kemus ni pi’in ni ayuwegrad ndar uned ko yam’ e Noah, ni i machibnag e tin nib mat’aw, nge ku medlip i girdi’.

2 Peter 3:6

ma ku ran ni fare ran ni yib nge tharey e nam e ir e kirebnag e bin kakrom e fayleng.