Luke 16:31 - Bible Ni Thothup

³¹ Machane me ga’ar Abraham, ‘Fa’anra dab ra motoyilgad ngak Moses nge pi profet, me mus ni fa’anra nge fos be’ ko yam’ nge yan i yog e thin ngorad, ma ku dabi riyul’ u wun’rad.’ ”

Luke 16:31 Σταυροειδείς Αναφορές

Genesis 9:27

Nge ayuweg Got Jafeth nge yo’or owchen! Ma pi’in ni owchen e ngu’ur pired e tirok Shem e girdi’ u ta’bang. Mi Kanaan e bayi mang sib rok Jafeth.”

Luke 16:30

Me fulweg fare mo’on ni immoy ni pire’ ban’en rok ni ga’ar, ‘Abraham, nchitamag, tinir e dab ra gamangad riy! Machane ra fos be’ ko yam’ nge yan ngorad ma aram e yad ra pi’ keru’rad ko tin nib kireb ni yad be rin’.’

Luke 17:1

Me ga’ar Jesus ngak pi gachalpen, “Pin’en nma waliy e girdi’ nge mul nga fithik’ e denen e bmuduwgil nra yib; machane ri ra gafgow e en ni ir e ra fek i yib!

John 5:47

Machane fa’anra der mich u wun’med e tin ni yoloy, me ere ra di’in me mich u wun’med e thin rog?”

Acts 19:8

Me yan Paul ngalan tafen e mu’ulung, ma dalip e pul ni par ni be welthin ngak e girdi’ nder tamdag, ni be malu’ag thin ngorad ni be guy rogon ni nge mich u wun’rad rogon e gagiyeg rok Got.

Acts 26:28

Me ga’ar Agrippa ngak Paul, “Ga be finey nrayag ni ngam pingegeg nggu mang reb i girdi’en Kristus u lan e chingiyal’ i n’ey nib ngoch?”

Acts 28:23

Ma aram miyad yog Paul reb e yar, me yib bo’or i yad ko chirofen nem ko gin ni be par Paul riy. Kadbul nge yan i mada’ ko neap’ ni machibnag ngorad murung’agen e gagiyeg rok Got ma be pithig fan u wun’rad. Me guy rogon ni nge mich murung’agen Jesus u wun’rad ni be yog ngorad e tin nike yog e babyor nib thothup ni murung’agen ko gin ni ba’aram ni bay e Motochiyel rok Moses riy nge tin ni yoloy e pi profet.

2 Korinth 4:3

Ya fa’anra der tamilang u wan’ be’ fare Thin Ni Bfel’ ni ir e gadad be machibnag, ma kemus ni pi’in kar maloggad e der tamilang u wun’rad.

2 Korinth 5:11

Kad nanged fan ni nge yib madgun Somol u wun’dad, aram fan ni gamad be taymad ngak e girdi’. I Got e ri manangmad, ma gu be finey ni kam nanged lanin’ug.