Luke 16:25 - Bible Ni Thothup

²⁵ Machane me ga’ar Abraham, ‘Fakag, ka ga manang faram ni fa ngiyal’nem ni um moy ko fa binem e tamilang e ni pi’ urngin e tin ni bfel’ ban’en ngom, ma aram e urngin e tin kireb ban’en e yag ngak Lazarus; machane chiney e be felfelan’ u roy, me gur e kam par nga fithik’ e amith.

Luke 16:25 Σταυροειδείς Αναφορές

BABYOR NI JOB 22:18

Yug aram rogon ni Got e fal’eg rogorad — Dabyag rog ni nggu nangfan e leam ko pi’in kireb.

Psalms 17:14

mu ayuwegneg u pa’ e pi’in nib yoor ban’en rograd ko biney e tamilang. Mu gechig nagrad ko pi gafgow ni ka mu cha’riy ni fan ngorad; mang e yugu ra gaman gad pifakrad riy miki aw boch ni fen pifak pifakrad!

Psalms 49:11

Yad be leamnag ni pi naun rorad e bayi par ni dariy n’umngin nap’an; nu rom e bay ra pired riy ni gubin ngiyal’ yad be tunguy fithingrad ko yungi binaw ntaferad.

Psalms 73:7

gumircha’rad e be thang’el e kireb riy nga but’, ma leam rorad e ke suguy e kireb nike m’ay i t’ar liyben rorad.

Lamentations 1:7

Ke par ni go’ ir nike mogothgoth e chiney, yu Jerusalem e be sul ngi i leamnag e fla’ab rok kakrom; Nap’an ni aw nga pa’ e pi to’ogor rok, ma dariy be’ ni ayweg. Pi’in kar gelgad ngak e yad be minmin ngak ko waer nike tay.

Daniel 5:30

Ka re nep’ i n’em min thang e pogofan rok Belshazzar ni Pilung nu Babylon,

Matthew 27:63

me lungurad, “Keb ngan’mad nnap’an ni kabfos fare talifith l’ugun me ga’ar, ‘Ra gaman dalip e rran mi ni fasegeg ko yam’.’

Mark 9:45

Ma fa’anra waliyem baraba’ i em ngam pi’ keruum ngak Got, ma ga th’ab ngam n’ag! Ya kab fel’ rogom ni ga ra yan ko yafos ndariy baraba’ i em ko bin ni kabay em nruw raba’ mi non’em nga fithik’ e nifiy ni dabi math bi’id.

Luke 16:20

Ma ku bay be’ nib mo’on nib gafgow, ni Lazarus fithingan, nib sug e malad u dow, ni yima fek i yib nga langan e mab rok fare mo’on ni pire’ ban’en rok,

Luke 16:23

Me yan i par nga Hades nga fithik’ e amith ni ba ga’; me changar ngalang me guy Abraham nib mal’af, ni bay Lazarus u baraba’ i to’oben.

Luke 16:26

Ma ku errogon ni bay bangi ban’en u thildad nib to’ar, ni pi’in yad ba’adag ni ngarbad u roy ngom e dabiyag, ara be’ ni nge yib u wur ngaray.’

Luke 6:24

“Ma kam gafgowgad e pi’in pire’ ban’en romed e chiney; ya kam mu’gad ko fel’ rogon!

John 16:33

Kugog e re bugithin ney ngomed ni bochan e nge pagan’med ni fan e kad ta’ab girdi’gad. Bayi gafgow nagmed e fayleng. Machane dab mu rusgad! Ya kug gel ko fayleng!”

Acts 14:22

Miyow ayuweg e pi’in ke mich Jesus u wun’rad ngar pi’ew e athamgil nga lanin’rad ni ngu’ur pired ni yad ba yul’yul’ ko en ni ir e ke mich u wun’rad. Miyow fil ngorad ni lungurow, “Thingar darod u fithik’ bo’or e gafgow ma gadad yan ko gin nsuwon Got.”

Roma 8:7

Ere be’ e ra mang to’ogor rok Got ni fa’anra par laniyan’ ni tin nib kireb ni be yim’ ni bochan e ir e be gagiyegnag laniyan’ fa’anem; ya aram e der fol ko motochiyel rok Got, ma bin riyul’ riy e dabiyag rok ni nge fol riy.

Deuteronomy 28:17

“Ra bucheg SOMOL wa’athan e woldug romed ni grain nge ggan ni gimed ra ngongliy riy.

Filippi 3:19

ni bay ranod ra musgad nga fithik’ e nifiy ni dabi math bi’id, ya n’en ni be ar’arnag dowdad e kemang got rorad, yad be uf ko tin ni ir e susun e ngar tamra’gad ngay, ma kemus ni tin nu roy u fayleng ban’en e ir e yad be leamnag.

1 Thessalonika 3:3

ya nge dabi sul bigimed nga wuryal ni bochan e pi gafgow ni be’er ni yibe tay ngomed. Ma gimed manang ni pi gafgow nir ni yibe tay ngodad e ku bang nike leamnag Got ni bay fan ngodad.

Hebrews 11:25

Ya ka ba’adag ni nge un ngak girdi’en Got ko gafgow ko bin ni nge felfelan’ nib ngoch nap’an ni be ngongliy e denen.

1 John 2:15

Dabi t’uf romed e tin bay u roy u fayleng ara n’en nib milfan nga fayleng. Fa’anra t’uf romed e tin bay u fayleng, ma aram e de t’uf e en ni Chitamangiy romed.

Revelation 7:14

Mu gu fulweg ngak ni lungug, “Da gu nang, i gur e ga manang.” Me ga’ar ngog, “Pi cha’nem e fapi girdi’ ni kar thapgad ngaray u fithik’ fare gafgow ni ba ga’ ntay ngorad. Kar luk niged e mad rorad kar wechwech niged nga racha’en fare Fak e Saf.