Luke 16:24 - Bible Ni Thothup

²⁴ Ma aram me pong ni ga’ar, ‘Abraham nchitamag! Mu runguyeg, mol’oeg Lazarus nge lthag bugul i pa’ nga fithik’ e ran nge garbebnag bolowtheg ngay, ya dab kug sow ko amith u fithik’ e re nifiy ney!’

Luke 16:24 Σταυροειδείς Αναφορές

BABYOR NI JOB 20:21

Nap’an nra abich ma dakuriy ban’en nra magey. Machane chiney e bayi mus e fla’ab rok.

Isaiah 27:11

Papa’ngin e gek’iy e ke l’ud be m’ingm’ing, be kunuy e pi’in ppin ni nge mang l’ud. Bochan e dar nang e girdi’ fan ban’en, me’ere Got ni En ni Sunumiyrad e bay dabki kirban’ ngorad ara dag bochu’uw i marunguy ngorad.

Isaiah 66:24

“Nap’an ni yad ra chuw miyad guy e ldow ko pi’in ur tagopluwgad ngog. Fakl’ud ni be longuyrad e dariy e ngiyal’ nra yim’, ma nifiy ni be urfiyrad e dariy e ngiyal nra math. Ya’arad e ba sosonogor u owchen gubin e girdi’.”

Zekariah 14:12

I SOMOL e bayi pag e m’ar ni ubchiya’ nge yib ngak urngin e pi nam ni yad ma mael ngak yu Jerusalem. Ufin u dowrad e bayi malad nge chuw u nap’an ni kayad bfos; lan owcharad nge balwothrad e ku ra malad nge chuw.

Matthew 25:41

“Ma bayi ga’ar ko pi’in yad bay u ba’ ni gilay’ rok: ‘Gimed e picha’ ni be’er nike kirebnag Got wa’athmed, mmarod ngam chuwgad rog! Mmarod ko fare nifiy ni dabi math bi’id ni kan ngongliy rogon kan tay ni fan ngak mo’onyan’ nge pi engel rok!

Matthew 3:9

Dab mfineyed nrayag ni nge yib e tawey romed ni bochan e be lungumed, I Abraham e chitamangidad. Ya nggog ngomed ni Got e rayag ni nge fek e pi malang ney nge ngongliy ngar manged e pi’in owchen Abraham!

Matthew 5:22

Machane gu be yog ngomed e chiney, ni en nra damumuw ngak be’ ni walagen e yira fek i yan nga p’eowchen e en nma puf oloboch; ma en nra ga’ar ngak walagen, ‘Gur e dariy ban’en ni gab fel’ ngay!’ e yira fek ngalan e sobol ko mu’ulung; ma en nra ga’ar ngak walagen, ‘Dariy fam i gur e re balyang nir!’ e rayag ni nge yan nga fithik’ e nifiy ni dabi math bi’id.

Luke 16:30

Me fulweg fare mo’on ni immoy ni pire’ ban’en rok ni ga’ar, ‘Abraham, nchitamag, tinir e dab ra gamangad riy! Machane ra fos be’ ko yam’ nge yan ngorad ma aram e yad ra pi’ keru’rad ko tin nib kireb ni yad be rin’.’

Luke 19:9

Me ga’ar Jesus ngak, “Kanawo’ ni nge thap e girdi’ riy ngak Got e ke taw ko re naun ney e daba’, re mo’on ney e ku errogon ni ir be’ ni owchen Abraham.

Luke 3:8

Mu rin’ed e ngongol ni nge dag ni kam pi’ed keru’med ko denen ni gimed be rin’. Ma dab umogned romed ni be lungumed, ‘I Abraham e ir e chitamangidad.’ Ya nggog ngomed ni Got e rayag rok ni nge fek e pi malang ney nge ngongliy ngar manged e pi’in owchen Abraham!

John 4:10

Me fulweg Jesus ni ga’ar, “Fa’an mang e ga manang e n’en nma pi’ Got nge en ni be ning e ran ngom ni nge unum, ma kam wenig ngak ke pi’ e ran ngom nma pi’ e yafos.”

John 4:14

machane en nra unum e ran ni gu ra pi’ ngak e dabki sul e belel ngak bayay. Ya ran ni gu ra pi’ ngak e ra ngal’ ni ba alublub u fithik’ i dow, ni ir e bay i pi’ e ran ngak nma pi’ e yafos, me pi’ e yafos ngak ndariy n’umngin nap’an.”

John 7:37

Ma chirofen ni ba’aram ni tomur ko madnom e ir e th’abi ga’ fan. Chirofen nem e sak’iy Jesus ngalang nge yog ni ba ga’ laman ni ga’ar, “En nike yib e belel ngak e nge yib ngog nge garbod.

Roma 4:12

Ma ku ir e chitamngin e pi’in kan maad’ad nagrad, ni gathi bochan e kan maad’ad nagrad, machane bochan e yad be ngongol nrogon ngongolen e pi’in ke mich Got u wun’rad ni ta’reb rogon ko ngongol ni i rin’ e chitamangidad i Abraham ko ngiyal’ ni mich Got u wan’, ma dawor ni maad’adnag.

2 Thessalonika 1:8

nge nifiy ni be daramram, ni nge gechignag e pi’in nde t’uf rorad ni ngar nanged murung’agen Got nge pi’in ndarir folgad ko fare Thin Ni Bfel’ ni murung’agen e Somol rodad i Jesus.

James 2:13

Ya ngiyal’ nra pufthinnag Got e en nde runguy be’ e ku dabi runguy Got fa’anem; ya runguy e ra gel ko pufthin.

James 3:6

Ma bolowthey e bod ba nifiy. Ya ba fayleng nib sug ko kireb, ni be par ko gin ntagil’ u dowdad ma be wereg e kireb nga fithik’ i dowdad ni polo’! Me ir e ke tay e nifiy nga urngin i pangidad u roy u fayleng nike urfiy ko nifiy ni yib ngak ko fare nifiy ni dabi math bi’id.

Revelation 19:20

Min kol fare gamanman ngan fek, nge fare profet ni yugu ban’en ni ir e i ngongliy e maang’ang u p’eowchen. (Pi maang’ang nem e ir e bannag e pi’in ni bay e pow ko fare gamanman u dowrad, nge pi’in ni ur ted fan ma yad be meybil ko fare liyos nni ngongliy ni ya’an fare gamanman.) Ma fare gamanman nge fare profet ni go’ ban’en e yow l’agruw nnin’row ni ka yow ba fos ngalan fare lipath i nifiy ni sulfur e be urfiy.

Revelation 20:15

En nda immoy fithingan ni kan yoloy ngalan babyoren e pi’in ni kar fosgad e nin’ ngalan fare lipath i nifiy.

Revelation 22:1

Miki dag fare engel ngog fare lul’ ni bay e ran ko yafos riy, ni be galgal ram’en ni bod e krystal, ni yib u tagil’ Got nge fare Fak e Saf,

1 Samuel 28:16

Me ga’ar Samuel, “Mangfan ni kam piningeg, ni er rogon nike n’igem SOMOL ma kam par ni gur e to’ogor rok?