Luke 15:6 - Bible Ni Thothup

⁶ me fek i yib nga tabinaw rok, me kunuy e pi tafager rok nge pi’in yad bbuguliyoror ngar mu’ulunggad ngak me ga’ar ngorad, Mu uned ngog ko felfelan’, ya kug pir’eg fare saf rog ni yan ngabang!

Luke 15:6 Σταυροειδείς Αναφορές

Psalms 119:176

Gu be deraw ni bod ba saf nike malog; are moy ngam changar nigeg, i gag e tapigpig rom, ni bochan e dawor gu n’ag e motochiyel rom.

Luke 1:58

Ma girdi’ nib chuchugur taferad ngak nge girdi’ rok e rrung’aged rogon feni fel’ e ngongol rok Somol ngak, ma aram ma yad gubin nra uned ngak ko felfelan’.

Luke 15:10

Ere nggog ngomed ni ku ireray rogon e pi engel rok Got ni yad ra felfelan’, ni bochan ta’reb e tadenen ni pi’ keru’ ko kireb ni be ngongliy.”

Luke 15:24

Ya cha’ ni fakag ney e yim’, machane chiney e ke fos; i malog, machane chiney e kan pir’eg.’ Ma aram miyad tabab ko madnom.

Luke 15:5

Ma nap’an nra pir’eg, me ri felfelan’, me yin’ nga pon,

Luke 15:7

Ere nggog ngomed ni ku ireray rogon ni ba ga’ e felfelan’ ni yira tay u tharmiy ni bochan ta’reb e tadenen nike pi’ keru’ ko kireb ni be ngongliy, ko felfelan’ ni yira tay ni bochan mereb i ragag nge mereb e girdi’ ni yad ba yal’uw ni dariy rogon ni ngar pi’ed keru’rad ko denen.”

John 15:14

Ma gimed e pi tafager rog, ni fa’an gimed ra rin’ e tin kug ning chiylen ngomed.

John 3:29

Re mo’on ni nge mabgol e aram e cha’ nib mil suwon ngak e re pin ni nge le’ay; ma re mo’on ni fager rok fare mo’on ni ir e nge mabgol e ba sak’iy u to’oben ni be motoyil, mra rung’ag laman fare mo’on ni nge mabgol me felfelan’. Ireray rogon e felfelan’ rog nike yan i aw ngarogon.

Acts 11:23

Fa’ani taw me guy rogon nike ayuweg Got fapi girdi’, me felan’ me tay ir ngorad ni yad gubin ni ngu’ur pired ni yad ba yul’yul’ ma yad bmuduwgil ngak Somol u polo’ i lanin’rad.

Acts 15:3

Miyad yan ni girdi’en e galesiya e ke l’oegrad, ma nap’an nranod u lan yu Fonicia nge yu Samaria miyad weliy ngak girdi’en e galesiya ko gali yang i nug nem rogon nike thap e pi’in gathi yad piyu Israel ngak Got; ma re bugithin ney e ba ga’ ba felfelan’ ni pi’ ngak urngin e tin ni ba’aram i girdi’en Kristus ni kar rung’aged.

Filippi 1:4

ma urngin yay ni gu ma pi’ e meybil romed ngak Got ma gu ma yibil u fithik’ e felfelan’,

Filippi 2:17

Racha’eg e sana bay ni pu’og nga daken e maligach ni be pi’ e michan’ romed ngak Got ni ngan pu’og nga daken ni bod ban’en ni kan pi’ ngak Got. Fa’anra nge yan i yodorom, me ere kug felan’, ma ngam uned ngog ni gimed gubin ko felfelan’.

Filippi 4:1

Pi walageg ni girdi’en Kristus, ri gimed ba t’uf rog, ma kug tawreng nagmed, ma kam felfelan’ niged gag, ma kari felan’ug ngomed! Pi walageg ni girdi’en Kristus ni gimed ba t’uf rog, ireray rogon ni ngam pired ni gimed bmuduwgil ko ngongol romed u fithik’ Somol.

1 Thessalonika 2:19

Ya bin riyul’ riy e gimed e pagan’ nge felfelan’ romad nge tapgin ni nggu felfelan’gad ko gel ni kug ted, ni aram e nggu felfelan’gad u p’eowchen Somol ko ngiyal’ ni bayi sul riy.

1 Peter 2:10

Immoy ba ngiyal’ ni um pired ni gathi gimed girdi’en Got, machane chiney e kam manged girdi’en; ma bay ba ngiyal’ ni um pired nda mu nanged e runguy rok Got, machane chiney e ke runguymed Got.

1 Peter 2:25

Ya um moyed ni gimed bod e pi saf ni kar olobochgad; machane chiney e kan fulwegmed ni ngu’um leked Fa’anem ni ir e ma gafaliy e saf me ir e ma ayuweg lanin’med.