Luke 15:20 - Bible Ni Thothup

²⁰ Ma aram me sak’iy nge sul ngak e chitamngin. “Kab orel ko tabinaw me changar e chitamngin me guy; me kireban’ ngak me yan ni be mil, me yan i gumuchmuch ngak e chi cha’nem ni fak, nge faray owchen.

Luke 15:20 Σταυροειδείς Αναφορές

Genesis 33:4

Me mil Esau i yib ngak, me yib i gumuchmuch ngak, me faray owchen. Mi yow l’agruw ni yow be yor.

Genesis 45:14

Me m’ag e gumuchmuch ngak Benjamin ni walagen me tabab ko meyor; miki gumuchmuch Benjamin ngak Josef nge yor.

Genesis 46:29

me af Josef ngalan e chariot rok nge yan nga Goshen ni nge mada’nag e chitamngin. Ma nap’an nra mada’gow, me gumuchmuch Josef nga belel’ugun e chitamngin, me yor nib n’uw nap’an.

2 Samuel 14:33

Me yan Joab i weliy ngak e en ni pilung. Me pi’ fa en ni pilung e thin ni nge yib Absalom i guy, me yib i paraw nga but’ u p’eowchen e en ni pilung. Me faray e en ni pilung owchen Absalom.

Psalms 86:15

Machane gur Somol e ga ba Got nri gama runguy ma bt’uf e girdi’ rom, gubin ngiyal’ ni ga ba gumaen’, gubin ngiyal’ ni ga ba gol ma ga ba yul’yul’.

Psalms 86:5

Gur e gab gol ngomad ma ga ma n’agfan u wun’um e kireb romad, ma gubin e pi’in yad ma meybil ngom e yad ba sug ko fare t’ufeg rom ni dabimus.

Isaiah 49:15

Me fulweg SOMOL ni ga’ar, “Gur rayag rok be’ ni bpin ni nge pag talin fak ni kabran ma dabi t’uf rok e re tir nem ni ir e gargeleg? Gomang e ra pag be’ ni bpin talin fak, machane gag e dab gu pag talimed.

Isaiah 57:18

“Kug guy rogon ni yad be ngongol, machane bay ggol nagrad. Bay gu pow’iyrad mu gu ayuwegrad, ma bay gu fel’eg laniyan’ e pi’in ke kireban’rad.

Jeremiah 31:20

“Israel, i gur fakag nri gab t’uf rog, nri gur e th’abi t’uf rog. Gubin ngiyal’ ni gu ra yog fithingam mu gu leam nigem nri gab t’uf rog. Lanin’ug e be un ngom; ri bay gu runguyem.

Hosea 11:8

“Israel, uw rogon ni nggu pagem? Uw rogon ni nggu n’igem? Gur rayag ni gu thirifem u but’ ni bod ni gu rin’ nga Admah? Ara gu rin’ ngom e n’en ni gu rin’ nga Zeboyim? Dabiyag u ngorongreg ni nggu rin’! Ya ri gab t’uf rog!

Luke 15:19

Dab kug bung ni nganog ni fakam gag; ere mu tiyeg ni gag bagayad e pi’in ga be pi’ puluwrad yad be maruwel rom.”

Luke 15:21

Me ga’ar fachi cha’, ‘Chitamag, kug ngongliy e kireb nib togopluw ngak Got ma ba togopluw ngom. Dab kug bung ni nganog ni fakam gag.’

Acts 2:39

Ya tow’ath ni micheg Got ni bayi pi’, e gimed e nge yag ngomed nge pifakmed, nge ngak urngin e pi’in yad ba mal’af, ni yad urngin e pi’in be piningrad Somol ni Got rodad ngak.”

Acts 20:37

Yad gubin ni yad be yor ma yad be gumuchmuch ngak Paul ma yad be faray owchen ni yad be fingichiy.

Efesus 2:13

Machane chiney e kam ta’ab girdi’gad Jesus Kristus, ni gimed e pi’in ni um moyed ni gimed bmal’af rok Got e kambad ngak u daken racha’en Kristus ni map’ u kuruth.

Efesus 2:17

Ere Kristus e yib nge machibnag fare Thin Ni Bfel’ ni murung’agen e gapas ngak urngin e girdi’ — ni aram e gimed e pi’in gathi gimed piyu Israel, ni um moyed ni gimed bmal’af rok Got, nge ngak piyu Israel, ni ur moyed ni yad ba chugur ngak Got.