Luke 11:7 - Bible Ni Thothup

⁷ Ma susun e aram rogon me fulweg fare fager rom lungum u naun ni ga’ar, Dab kum magawonnigeg! Ya kug mu’ i man’nag e mab rog, ni kug molod pifakag ndabkiyag ni gu suwon nggub gu pi’ ban’en ngom.

Luke 11:7 Σταυροειδείς Αναφορές

Tang Ko Pitang 5:3

Ku gu mu’ i luf madag; are mangfan ngku ni gun’ bayay? Ku gu luknag rifrifen eg; are mangfan ni ngkug alitnag bayay?

Matthew 25:10

Ma aram me yan fa tinem e ppin ni yad bbalyang ni ngar chuw’iyed boch e gapgep, ma nap’an ni kranod me taw fare mo’on ni ir e nge mabgol. Ma fa lal i ppin nra fal’eged rogorad kar pired e ra uned ngak ngranod ngalan fare naun ni ngan ngongliy e madnom ko mabgol riy, min ning e mab.

Luke 11:6

Be’ ni gamow fager e ke yib ni be milekag ma ke tal ngog nga tabinaw ma dariy ban’en ni gu ra pi’ nge kay!

Luke 11:8

Ere uw rogon? Nggog ngomed ni fa’anra dabi suwon nge pi’ e flowa ngom ni gimew fager, machane ra suwon nge pi’ urngin ban’en ngom ni kam ning ya da mu tamra’ ni mpar ngu’um wenig ngak.

Luke 13:25

“Ya cha’ ni ir e masta ko fare naun e ra sak’iy nge ning e mab; ma fa’an mu sak’iygad u wuru’ e mab mi gimed tabab i tugtuguy e mab me lungumed, Mbing e mab ngomad! ma bayi fulweg ni ga’ar, Da gu nang e gin kambad riy.

Luke 7:6

Ma aram me un Jesus ngorad ngranod. Ke chugur ko naun me l’oeg fare tolang ko salthaw boch e tafager rok ni ngrogned ngak ni nge lungurad, “Dab mu gafgownigem. Ya dariy rogog ngabang ni nga mub ngalan e naun rog,

Galatia 6:17

Ere chiney e gu be wenig ngomed ndab ki lulu’ag bigimed e thin ngog u murung’agen e pin’ey; ya yungi fath ni bay u dowag e be dag ni gag e sib rok Jesus.