Luke 11:20 - Bible Ni Thothup

²⁰ Gelngin Got e gu be tuluf e pi mo’onyan’ ngay, ni aram e ir e be micheg ni gagiyeg rok Got e ke taw ngomed.

Luke 11:20 Σταυροειδείς Αναφορές

Exodus 8:19

Me ga’ar fapi tapig ngak fare pilung, “Pi lal ney e ngongol rok Got.” Machane me gelnag fare pilung laniyan’, nde fol ko thin rok Moses nge Aron, ni bod rogon ni yog SOMOL.

Daniel 2:44

Ngiyal’ ni bayi gagiyeg e pi pilung nem, e aram e bayi sunumeg Got nu tharmiy reb e gagiyeg ndariy e rofen nra mus. Ma binem e gagiyeg e dariy be’ nra gel ngay bi’id, machane bayi thirif u but’ urngin e pi pilung nem nge gagiyeg ni yad be tay me mang fa birok e gagiyeg e i par ndariy n’umngin nap’an.

Matthew 12:28

Kan ni Thothup rok Got e ir e ke pi’ gelngig ni nggu tuluf e mo’onyan’ rok e girdi’, ni aram e ir e be micheg ni gagiyeg rok Got e ke yib ngomed.

Matthew 3:2

ni be ga’ar, “Mpi’ed keru’med ko denen ni gimed be rin’, ya gagiyeg nu tharmiy e ke chugur!”

Matthew 4:24

Me wear murung’agen u daken e nam nu Syria ni ga’ngin, ma aram mi i fek e girdi’ i yib ngak urngin e pi’in bay e liliy rorad ni gubin mit, nge pi’in kar gafgowgad u urngin mit e gafgow; ni girdi’ nike ying e mo’onyan’ ngorad, nge girdi’ ni bay e m’ar rorad ni epilepsy, nge pi’in ndariy gelngin bang u dowrad, ma yigo’ gol nagrad Jesus ko liliy ni yad gubin.

Luke 10:11

Mus ko fiyath ko re binaw romed ney nike gabal ko rifrif u aymad e nggu chuweged nib togopluw ngomed; machane mu ted fanmediyan ko re bugithin ney, ni Gagiyeg rok Got e ba chugur ngomed!

Luke 10:9

mi gimed golnag e pi’in nib m’ar u lan e re binaw nem, me lungumed ngak e girdi’ riy, Gagiyeg rok Got e ba chugur ngomed.

Luke 11:21

“Be’ nib mo’on nib yargel e ra ngongliy rogon talin e cham rok ni urngin nge matanagiy e tabinaw rok, ma urngin e chugum rok ni dabi buch ban’en riy.

Acts 20:25

“Kug wan u fithik’med i yan kug machibnag ngomed rogon e gagiyeg rok Got. Me ere chiney e kug nang ndakuriy bigimed ni bay ki guyeg bayay.

2 Thessalonika 1:5

Ireray e mich riy ngarogon feni mat’aw nma gonopiy Got urngin ban’en, ya wenegan nra yib e ra fal’eg rogomed nge yib mat’awmed ni ngam marod ko gin nsuwon, ni ir e gimed be gafgow ni bochan.