Luke 10:7 - Bible Ni Thothup

⁷ Mi gimed par u lan e re naun nem, ngu’um ked e ggan ma gimed be garbod ko tin ni yad be pi’ ngomed; ya be’ ni girdi’en e maruwel e susun e ngan pi’ puluwon e maruwel rok ngak. Dab um marod u reb e tabinaw nga reb.

Luke 10:7 Σταυροειδείς Αναφορές

Numbers 18:31

Gimed nge chon e tabinaw romed e demturug e gin’en ni gimed rakay ko gin ke magay ko maligach ni bochan e ireram puluwonmed ko pigpig u lan fare Tent.

Mark 6:10

Miki yog ngorad ni ga’ar, “Fa’an gimed ra taw nga reb e binaw mi gimed par rok girdi’en e re tabinaw ni kar feked gimed nga taferad nge mada’ ko ngiyal’ ni ngam chuwgad ko fare binaw.

Luke 10:6

Ya fa’anra bay be’ riy nib t’uf e gapas rok, mi gimed pag e gapas ni kamogned nge par u daken; ma fa’anra dariy, mi gimed fulweg murung’agen e gapas ni kamogned.

Luke 9:4

Re tabinaw ni yira yog ngomed ni ngam pired riy, e ngu’um pired riy nge mada’ ko ngiyal’ ni ngam chuwgad u lan fare binaw;

Acts 16:15

Ma aram min tawfenag e re pin nem nge girdi’ nu tabinaw rok. Me yog ngomad ni nggu warod nga tabinaw rok ni ga’ar, “Ngambad ngam pired u tabinaw rog, ni fa’anra ke muturug u wun’med nike mich u wun’ug Somol.” Me wenig ngomad ni nggu warod.

Acts 16:34

Me ere fek Paul nge Silas ngalan e naun rok nge pi’ e ggan ngorow. Me ri felfelan’ girdi’en e tabinaw rok nge ir, ni fan e ke mich Got u wun’rad.

Acts 16:40

Me chuw Paul nge Silas u kalbus miyow yan nga tafen Lydia. Miyow mada’nag e pi walag ni girdi’en Kristus u rom, miyow welthin ngorad, ni aram e yow be pi’ e athamgil nga lanin’rad, nge mu’ miyow yan.

Galatia 6:6

Cha’ ni kan fil murung’agen Kristus ngak e susun e nge pi’ boch urngin e tin ni bfel’ ni bay rok ngak e cha’ ni ir e machibnag e re thin nem ngak.

Deuteronomy 12:12

Ma aram mu um felfelan’gad u p’eowchen SOMOL, ni gimed nge pifakmed, nge pi tapigpig romed, nge pi Levite ni yad be par u lan e pi binaw romed. Dab mpaged talin ni pi Levite e gathi bay ni pi’ e binaw ngorad ngar tafned.

Deuteronomy 18:8

Ma nge yag e ggan ngak ni ta’reb urngin ko tin kan pi’ ngak fatinef e prist, ma rayag ni nge par rok e tin ke pi’ chon e tabnaw rok ke yib ngak.

1 Timothy 5:13

Ma ku errogon ni bayi n’en miyad ra fil rogon ni ngar adbeyed e tayim rorad ko yan ni yad ma tay u mit e tabinaw; machane gathi kemus aray, ku yad ma fil rogon e dugdug thin ma yad be yan ra magawon niged e maruwel rok boch e girdi’, ni yad be weliy murung’agen bogi ban’en nsusun e dab ra weliyed murung’agen.

2 Timothy 2:6

En nma woldug nib gel e maruwel nike tay e susun e ir e som’on ni nge fek e tin ke yib riy.