Luke 10:28 - Bible Ni Thothup

²⁸ Me fulweg Jesus ni ga’ar, “Tin ni kam fulweg ngog e ba puluw; ere mu rin’ ma ga fos.”

Luke 10:28 Σταυροειδείς Αναφορές

Nehemiah 9:29

Um ning chiylen ngorad nthingar ra folgad ko fonow rom, ma fithik’ e tolangan’ rorad miyad n’ag e pi motochiyel rom, ni yugu aram rogon ni kanawo’ ko yafos e Motochiyel rom ni ngan fol riy. Feni gel lanin’rad nge farad gelan’, miyad siyeg ni ngar folgad.

Proverbs 19:16

Mu tay e pi motochiyel rok Got u gil’ me n’uw nap’an ni mu par; ma fa’an ga ra fek yathin, ma ga ra yim’.

Ezekiel 20:11

Gu pi’ ngorad e thin rog ma gu fil e motochiyel rog ngorad, nra fek e yafos i yib ngak e en nra fol riy.

Ezekiel 20:13

Machane mus u rom u daken e ted ma kuyad be togopluw ngog riy. Rth’abed e motochiyel rog miyad pi’ keru’rad ko tin gog ni ngan rin’ nra fek e yafos i yib ko en nra fol riy. Kar dariyfan niged e Sabbath. Ere kug fal’eg rogog ni nggu gechig nagrad ngar thamiyed ga’ngin gelngin e damumuw rog ni nggu thang owcherad u rom u daken e ted ni desert.

Ezekiel 20:21

“Ma binem e mfen e ku ra togopluwgad ngog. Ku ra th’abed e motochiyel rog nge tin gog nra pi’ e yafos ko en nra fol riy. Ku ra dariyfan naged e Sabbath. Kug fal’eg rogog ni nggu gechig nagrad ngar thamiyed ga’ngin gelngin e damumuw rog, u rom u lan e ted ni desert e nggu thang owcharad riy.

Levitikus 18:5

Mu folwokgad ko tin kug duwgiliy ni ngu’um rin’ed nge pi motochiyel ni kug pi’ ngomed; gimed ra rin’ ni aray rogon migmed par ni dabi buch banen romed. I Gag SOMOL.”

Matthew 19:17

Me fulweg Jesus ni ga’ar, “Mang ni ga be fitheg u murung’agen e n’en ni bfel’? Ri ta’abe’ e bay ni ir e bfel’. Ere mfol ko fapi motochiyel ni fa’anra gab adag ni ngam man ko yafos.”

Mark 12:34

Ma nap’an ni nang Jesus nike fulweg fare tamchib ko Motochiyel e thin rok ni bfel’ rogon, me ga’ar Jesus ngak, “I gur e da mmal’af ko gagiyeg rok Got.” Ma aram ma daki ga’aran’ be’ ni ngki fith ban’en ngak Jesus.

Luke 7:43

Me fulweg Simon ni ga’ar, “Gu be finey ni facha’ ni bo’or e malfith rok nthang u babyor.” Me ga’ar Jesus ngak, “Re fulweg nir ni kam pi’ e bfel’.”

Roma 10:4

Ya Kristus e yib i taleg e Motochiyel, ni fan e urngin e pi’in nra mich Kristus u wun’rad e ke mat’aw nagrad Got ngak.

Roma 3:19

Kad nanged e chiney ni urngin ban’en ni bay ko re Motochiyel nem e fan ngak e pi’in yad be par u tan e re Motochiyel nem, ni fan e ngan taleg urngin e tawey rok e girdi’ nge yag nni fek urngin e girdi’ nu fayleng nga tan e pufthin rok Got.

Roma 7:10

mu gum’. Ma fare motochiyel ni susun e nge fek e yafos i yib e gu pir’eg u puluwog ni yam’ e ke fek i yib ngog.

Galatia 3:12

Machane Motochiyel e der toer ko mich u wun’uy ngak Got. Ya bod nike yog e babyor nib thothup ni be ga’ar, “En nra rin’ urngin e tin ke yog e Motochiyel ngak ni nge rin’ e ir e ra fos riy.”

Deuteronomy 6:24

Me yog SOMOL ni Got rodad ngomad ni nggu folgad u urngin e pi motochiyel ney, ma nggu pired ni bay madgun u wun’mad. Ya fa’anra ug rin’ed ma gubin ngiyal’ nra i par ni be matanagiy e nam rodad mi i tay e nam ni bfel’ rogon.