Luke 1:78 - Bible Ni Thothup

⁷⁸ Ya Got rodad e ri ba wurengan’ ma ba smunguy, ma rogon ni bayi muruwliy ngad thapgad ngak e bod e woch ni puf ram’en nga dakendad,

Luke 1:78 Σταυροειδείς Αναφορές

Psalms 25:6

SOMOL, gu leamnag fanam gol nge rogon fare t’ufeg rom ni dabimus ni kam dag ni kab kakrom i yib.

Isaiah 11:1

Pi’in owchen David ni uranod nga luwan nguur pilunggad e yad bod ba ke gek’iy ni kan toy; machane rogon ba noef ni thay ko ley nike magey u fithik’ e but’, e aram rogon ba pilung ni bay yib u fithik’ e pi’in owchen David.

Isaiah 42:16

“Girdi’ rog ni yad ba ma’ew e bay gu pow’iyrad u daken yu pa’ i kanawo’ ndawor ra milekaggad riy. Lumor ni yad be par u fithik’ e bay gu pingeg nge ngal’ ni tamilang, ma yungi n’en nib mododongol ni bay nga m’on rorad e bay gu pacheag. Pin’ey e gu micheg, ni ri gu ra rin’.

Isaiah 63:15

SOMOL, mu sap u tharmiy ngomad, ko gin ga be par riy ni gab thothup ma gab fla’ab. Gelngin e magafan’ rom ngomad e ke yan ngan? Ke yan gelngim ngan? Gelngin ni gamad ma par ni gamad ba t’uf rom ma ga be runguymad e ke yan ngan? Dab mu pi’ keru’um ngomad.

Isaiah 63:7

Bay gu weliy rogon SOMOL ko runguy rok ni dabimus; kug pining e sorok ngak nga urngin e tin ke rin’ ngodad. Ya kari fal’eg wa’athan e girdi’ nu Israel, ni bochan e ba gel e runguy rok ma t’ufeg rok e dabimus.

Zekariah 3:8

I gur Joshua ni fare Prist ni Th’abi Ga’, e ngam motoyil; ma gimed e prist ni pi chonggin e ngam motoyilgad, ni aram e gimed e pow ko tin nib manigil nga m’on: Bay gu gagyel nag fare tapigpig rog, ni yima pining fithingan ni Fare Pa’ngin!

Zekariah 6:12

Mog ngak ni be yog fare SOMOL ni Gubin ma Rayag Rok ni be ga’ar, ‘Fare mo’on ni yima pining Fare Pa’ngin ngak e bayi dammal ko gin bay riy me toy bayay fare Tempel rok SOMOL.

Malaki 4:2

Machane gimed e pi’in gimed be fol rog e rayib gelngig nma ayuwegey nga dakenmed ni bod ram’en e yal’, me gol nagmed. Ra puf mat’awmed ma gimed ra felfelan’ ni bod rogon pifak e garbaw nni bing e chum rorad ngranod nga wuru’.

Numbers 24:17

Kug guy e tin bay nga m’on e rran, ma kug guy yu Israel. Ba’ ba pilung ni bod ba t’uf ni ba ga’ ram’en ni bayi sum rorad. Rogon ba t’uf ni ba ga’ ram’en e aram rogon ni bayi yib rok yu Israel. Bayi li’ e pi’in yad ma yog e thin rok yu Moab, me thirif u but’ urngin e pi’in yad ba uf ma yad ma togopluw.

John 3:16

Ya Got e rib t’uf e girdi’ nu fayleng rok, ma aram me pi’ Fak ni kari maagirag rok nge yib, ni fan e nge urngin e pi’in ni michan’rad ngak e aram e dab kurm’ad, ya keyag e yafos ndariy n’umngin nap’an ngorad.

Efesus 5:14

ya ren’en ni ka nib ndag ngalan e tamilang e ra mang tamilang. Aram fan ni kanog ni kan ga’ar, “Mu od, i gur e en ni ga be mol, mu fos u fithik’ e yam’! Me gal ram’en Kristus nga dakenam.”

Filippi 1:8

I Got e manang ni gu be yog e tin riyul’ ni fa’anra lungug e ri gimed urngin ni gimed ba t’uf rog ni ta’reb rogon ngarogon ni gimed ba t’uf rok Kristus.

Filippi 2:1

Gur ke gelnagmed e ngongol romed u fithik’ Kristus, ni aram e rogon ni gimed ba t’uf rok e ke fal’eg lanin’med? Gimed be par nib ta’reban’med ngak fare Kan Nthothup fa? Gimed be runguymed ma gimed be t’ufegmed fa?

Kolose 3:12

Gimed girdi’en Got; ya gimed ba t’uf rok ma ke duwgiliymed ni ngam manged girdi’en. Aram fan ni runguy, nge gol, nge sobut’an’, nge sumunguy, nge gumaen’ e thingar mon’ed nga dakenmed nge mang mad romed.

2 Peter 1:19

Aram fan ni kari pagan’mad ko thin rok Got ni i weliy fapi profet. Bfel’ ni ngam tiyan’med ko pi thin nem, ya bod ba magal ni be par ram’en u fithik’ e lumor nge yani mada’ ko fare Rran ni nge puf e woch riy me gal ram’en fasiran, ni t’ufen e kadbul, nge tamilangnag lanin’med.

1 John 3:17

Fa’anra bo’or ban’en rok be’ ma be guy be’ ni walagen ni girdi’en Kristus nike gafgow nthingari yag ban’en ngak, me fek owchen rok, mra di’in me ga’ar e ba t’uf Got rok?

Revelation 22:16

“I gag Jesus e kug l’oeg e engel rog ke yib ni nge weliy e pin’ey ngomed e pi’in ni gimed girdi’en e pi galesiya. I gag fa’anem ni owchen e tabinaw rok David; mi gag fare fasuran ni ba ga’ ram’en.”